Ti Dios napudno a kadua
iti kinaulimek, iti panagkararag;
kanayon nga adda sadiay
a dumngeg ken makipagrikna
dagiti amin nga agsagaba
iti nalaus a ladingit
ket ti saranay, kappia
itedna kenka't gin-awa
No italek ti kararua iti Dios
marikna ti naan-anay nga inana,
sadiay masarakan kappia ken ayat;
sadiay masarakan kinatalged
Awan patinggat' panagayat ti Dios
padapada iti saad, nangato wenno nababa;
uray pay kasanot' kinadaksanggasat iti biag
ti Dios isut' liwliwa, kalasag ken pigsa.
.
.
.
.
.
LIWLIWA
Rudy Ram. Rumbaoa
wwwtaraontibiag.blogspot.com
[nabulod ti ladawan a nausar]
No comments:
Post a Comment