Diak ammo no ania
Ti iyeg no bigat:
Mabalin nga agsangitak
Wenno agragsakak
Mabalin a mabatiak
Nga agmaymaysa
A kas ti naulila
A nataengan, wenno
Kas ti duog a bato
A mabaddebaddekan iti daga
Mabalin a tagikuaennak
Ti nadawel a bagyo wenno
Mariknak nga ipataw
Ti Dios ti panangukomna kaniak,
Ngem agtalekak nga Isu
Adda kaniak ket ibaonna
Dagiti anghelesna a diak
Makita ket salaknibandak,
Adda pammatik a parmekek
Amin a kabusorko.
Wen, diak ammo no ania
Ti iyeg no bigat:
Mabalin nga agsangitak
Wenno agragsakak, ngem
No ti Dios a diak makita
Adda laeng iti sibayko--
Abakek amin dagiti gubat
Iti sadino man a papanak.
.
.
.
.
.
Pammati
Rudy Ram. Rumbaoa
wwwtaraontibiag.blogspot.com
[nabulod ti ladawan a nausar
No comments:
Post a Comment