No dadduma, ipannatayo ti Dios iti maysa a situasion
a ditay' ammo't mapasamak; wenno ipannatayo iti lugar
a ditay' pay napanan ket mangrugitayo nga agsiddaaw
no daytoy ket paset ti planona
Ket no dadduma, masapul a masaktantayo
tapno masursuro ken lumawa ti pannakaawattayo:
ti agbalin a manakem ken naimbag ket rumbeng
a liklikan dagiti lugar a mangirisgo ti kararua.
Pagngata-ngataan ti biag no maminsan
ket ti dana a pagturongan kasla awan patinggana
Ngem ti Dios iti amin a kinasiribna, ipaayna
ti pagsayaatan dagiti tattaona; ket ti himno
a pagdaydayaw kayatna nga ikantatayo ti panagayatna.
.
.
.
.
.
Kayatna Nga Ikantatayo ti Panagayatna
Rudy Ram. Rumbaoa
wwwtaraontibiag.blogspot.com
[nabulod ti ladawan a nausar]
No comments:
Post a Comment