Kaarigkot' pitak
Naigamer iti babak
Ti basol a namulagatak
Iti lunod a nagtaudak
Ngem, agbabawiak
No rebbengna nga agpakawanak
Iti biddut a naaramidak
Gapu ta Sika ti Apo--
Ti pagbiagak
Nawaw ken nabisinanak
Impaaymo ti biag
A taraon 'toy kararuak;
Nabsogak
Ta linemmesnak iti ayat!
Bulsekak--
Linuktam ti matak
Nayaw-awanak--
Inturongnak, kinibinnak
Naidalebak--
Binangon-sinakroynak
Nasugatanak--
Inagasannak
Natnagak
Ngem sinippawnak
Kenka, O Apo,
Sika ti pigsak
Ti anges ti kararuak--
Ti Pagbiagak!
.
.
.
.
.
SIKA TI PIGSAK [TI PAGBIAGAK]
Rudy Ram. Rumbaoa
ccnob.3o,2oo8
wwwtaraontibiag.blogspot.com
[nabulod ti ladawan a nausar]
No comments:
Post a Comment