[Nabulod ti ladawan a nausar]
No dadduma,
Ipannatayo ti Dios
Iti maysa a situasion
A ditay' ammo
Ti mapasamak, wenno iti lugar
A ditay' napanan
Ket mangrugitayo nga agsiddaaw
No daytoy ket paset ti planona.
No dadduma,
Masapul a masaktantayo
Tapno masursuro
Ken lumawa
Ti pannakaawattayo;
Ti agbalin a manakem
Ken naimbag a parsua
Ket rumbeng a liklikan
Dagiti lugar
A mangirisgo kadatayo.
Pagngatangataan
Ti biag no maminsan
Ket ti dana a pagturongan
Kasla awan pagpatinggaan,
Ngem ti Dios iti amin
A kinasiribna, ipaayna
Ti pagsayaatan dagiti tattaona
Ket ti himno a pagdaydayaw
Iti Dios kayatna
A kantaentayo ti panagayatna.
.
.
.
.
.
Kayatna a Kantaentayo [Ti Panagayatna]
Rudy Ram. Rumbaoa
wwwtaraontibiag.blogspot.com
No comments:
Post a Comment