[Nabulod ti ladawan a nausar]
Sermon ni Apo Jesus Iti Bantay
Naadaw iti Surat ni San Mateo: 5: 1-12
Sermon ni Apo Jesus Iti Bantay
Idi makita ni Jesus dagiti adu a tattao, simmang-at iti bantay. Nagtugaw, ket immasideg kenkuana dagiti adalanna. Insurona ida.
Dagiti Naimbag a Gasat
[Luc 6: 20-23]
Kinunana:
"Nagasat dagiti mangbigbig a napanglawda kadagiti naespirituan a banag, ta kukuada ti Pagarian ti langit.
Nagasat dagiti agladladingit, ta liwliwaento ida ti Dios.
Nagasat dagiti napakumbaba, ta tagikuaendanto ti daga nga inkari ti Dios.
Nagasat dagiti nasged ti tarigagayna a mangtungpal iti pagayatan ti Dios, ta mapnekdanto.
Nagasat dagiti manangngaasi, ta kaasianto ida ti Dios.
Nagasat dagiti nadalus ti panagpuspusona, ta makitadanto ti Dios.
Nagasat dagiti mamagkakappia, ta naganento ida ti Dios nga annakna.
Nagasat dagiti maidadanes gapu iti panangtungpalda iti pagayatan ti Dios, ta kukuada ti Pagarian ti langit.
Nagasatkayo inton pabpabainan, idaddadanes ken padpadaksendakayo gapu kaniak. Agrag-o ken agragsakkayo,
agsipud ta dakkel ti gungunayo sadi langit. Ta kastoy ti panangidadanes dagiti tattao kadagiti profeta
nga immun-una ngem dakayo."
.
.
.
.
.
Salmo 5: 1-12
Proverbio/Pagsasao 1: 24-28
wwwtaraontibiag.blogspot.com
#surat #ebanghelio #apojesus #sanmateo #naimbagagasat #sermon #salmo #proverbio #pagsasao #sao #dios
No comments:
Post a Comment