 |
| [Nabulod laeng ti ladawan a naaramat iti daniw] |
ni Rudy Ram. Rumbaoa
[naadaw ti paulo ti daniw iti blog ni Maricar iti iluko.com]
[nasurat.11.21.2007.maui]
Sikat' kamanganda a nakairuaman
Sikat' arayat, nasayaat a pagulidanan;
Kanayon kenka nga agpussuak ti ayat
Kadagiti parsua a nakakaasi-dagsanggasat.
Dimo samiren dagiti pakauyawam
Adda ketdi pateg ar-aramidem kaaduan,
Maysaka a gameng kayatdaka nga aywanan
Agnanayon agubbog kaasim di magatadan.
Nagbalinen a paset ken pakasaritaam
Mangted iti tipping ti kinabaknang,
Ammom dimo namnamaen gunggonam
Ngem iti Apo mairamanka a mapadayawan.
Nagpintasen koma no dagiti dadduma
Agbalin a kas kenkat' panagpuspusona,
Adda ragsak ti biag ken kaipapanan
Uray rigatmo, ipategmo ti karrubam.
[C] november.21.2007.by.rudy.ram.rumbaoa]
No comments:
Post a Comment