 |
| [Nabulod laeng ti ladawan a naaramat iti daniw] |
Awan Agbilang a Di Agpullo
ni Rudy Ram. Rumbaoa
[nasurat.5.29.2008.maui]
Malagipmo kunam:
Dagiti biddut a naaramidam
Iti panagbarom, ita maawatam idan-
Dagiti padpadas
Dagiti nakasuotam
Dagiti pammagbaga
Maamirismo iti agdama
Ngem dimo impangag ida?
A, baliwegweg,
Awan agbilang a di agpullo
No madanonanen ti ungto;
Karma wenno aramid di maikanatad
Bukodmo a kararua
Ti marebbek ken madariwangwang...
Sobra a sursuro ti nagturay kenka
Ta pinataud ti dilam ti gita nga insawangna
Kitaem, imbilangdaka a rugit imbellengdaka
Iti kaaduan saanka a pagulidanan.
Kitaem, iti aringgawis ti arapaap a natun-oyam
Dimon taliawen tattao a rason nakagunggunaam
Iti sobra a panagayatmo iti aramid a mangmang
Naariwengweng panunot dimo ammot' turongem
Agmaymaysaka ita nga agbibiag
Iti pinanawanen ti panawen...
[C].2008.by.rudy.ram.rumbaoa]
No comments:
Post a Comment