Ikararagam Ida [Maudi iti Tallo a Paset]

Dadduma Pay...

[Nabulod laeng ti ladawan a naaramat]

PUDNO ti kararag. Makatulong ti kararag.

Ammo dagiti ubbing daytoy. No mabutengda, kayatda nga agkakarag dagiti nagannakda. No adda masaktan, kayatdaka nga agkararag. No nakasaganadan iti pageddaanda, kayatdaka a mangibalikas iti kararag.

Ubbingda pay ngem ammodan a denggen dagiti nabalitokan a panursuro. Kayatda a denggen kadagiti nagannakda ti maipanggep dagiti karakter iti Nasantoan a Biblia. Iti sakbay ken kalpasan ti pannangan, kayatda ti agkararag. Uray sakbay iti pannaturogda, kayatda ti agkararag.

Inosente ken naganus a panunot ngem apay a kunada, "Tatang, agkararagka tapno awan ti dakes a mapasamak." Wenno kunada iti ina, "Nanang, ikararagam man ni Lolo." Kuna dagiti nagannak, "Masapul nga agkararagka sakbay a maturogka."

 
iii. Adda Ibunga ti Nasayaat a Kararag
MABALIN a saan a perpekto dagitoy a kararag, ngem adda naisangsangayan nga ibungana. Adda wagas nga aramiden ti Dios tapno maaramid dayta iti wagas a mabalintayo nga aramiden. Nakakaskasdaaw! Mabalin a supringen dagiti annak ti panagkararagmo ngem pilienda ti wagas a kayatda nga estilo ti kararag, ngem saan nga agsardeng nga agkakarag. Pabaroennatayo ti panagkararag, dagiti ubbing ken ti lubong.

Kararag manipud iti letra ti alpabeto:

A-dore [dayawen] ti Dios
B-elieve [mamati] iti Dios
C-onfess [agkompesar] iti Dios
D-well [agtaeng] iti Dios
E-xpress [isawang/ibutaktak] ti puso
F-ind [biruken] ti tiempo
G-ive [ited] ti panagyaman iti amin a banag
H-umble [naemma/agpakumbaba] iti bagi
I-nvite [awisen] ti sabali a sumurot kenka
J-oyfully [naragsak] nga agturong iti Dios
K-eep [aywanan/salakniban] ti kararag
L-isten [denggen] ti Dios
M-editate [panunoten] ti naindaklan a Dios
N-otice [ipakdaar] ti kasapulan ti sabali
O-pen [luktan] ti puso
P-ush [iduron] ti mangriribuk
Q-uietly [naulimek] a yanninaw ti kinasayaat ti Dios
R-est [aginana/agsadag] iti kinasirib ti Dios
S-ubmit [isumite] ti bagi iti pagayatan ti Dios
T-rust [agtalek] iti Dios
U-nceasingly [saan a maburak/kanayon] a sapulen ti Dios
V-isit [bisitaen/pasiaren] ti balay ti Apo
W-orship [agdaydayaw] iti Dios
eX-perience [padasen] ti ayat ti Dios
Y-ield [sumuko] iti Dios
Z-ealously [naregta] a suroten/kamangan ti Dios*


IKARARAGAM IDA [Maudi iti Tallo a Paset]
Rudy Ram. Rumbaoa
wwwtaraontibiag.blogspot.com