Repost:
 |
| [Nabulod laeng ti ladawan a naaramat iti daniw] |
Awan Pagnguddoan Dagiti Posibilidad
ni Rudy Ram. Rumbaoa
[nasurat Setiembre 18, 2011]
No kabaelam a panunoten dagiti banag
a nakaim-imposible a magun-od, mapasamak dayta
ti panagpanunot iti naimbag; agbalin a realidad
no buyogan iti aramid- agtubo ken dumakkel ti kalikagum
Aniaman a banag mabalin a mapasamak
ket amin a posibilidad, mapaadda;
dimo supringen, rubrobam ti essem
ket luktam ti puso ken panunotmo
No naudika iti kinamanagpaltuad
agpasensiaka ken mamatika
ta dumtengto ti umisu a tiempo,
awan ti saan ket magun-odmontot' kalikagummo
Ta ti bileg ti kararag
ti Espiritu ti Dios sumrek kenka,
umay kenka ti Nailangitan a sirib
ket matun-oyamto ti aniaman a kayatmo magteng.
[copyright.september.2011.by.rudy.ram.rumbaoa]
No comments:
Post a Comment