Ti Pammati

Nasantoan a Mabasa Ita nga Aldaw

Naadaw iti Surat ni San Pablo 

Kadagiti Hebreo 11: 1-16

[Nabulod laeng ti ladawan a naaramat]

Ti Pammati
Ti kaadda ti pammati isut' panangnamnama nga awaten dagiti bambanag nga ur-urayen ken panagtalged iti kaadda dagiti bambanag a ditay makita. Babaen ti pammati, inawat dagiti tattao idi un-unana ti yaannamong iti Dios.


Babaen ti pammati, maawatantayo a naparsua ti lubong babaen ti sao ti Dios, iti kasta, napataud dagiti makita kadagiti saan a makita.


Babaen ti pammati, nangipaay ni Abel iti Dios iti nasaysayaat a daton ngem ti daton ni Cain. Gapu iti daytoy, nagun-od ti yaannamong ti Dios kas nalinteg a tao agsipud ta inawat ti Dios dagiti sagut ni Abel. Nupay matayen, agsasao pay laeng babaen ti pammatina.


Babaen ti pammati, nailisi ni Enoc iti ipapatay. Nayuli ketdi iti yan ti Dios, ket awan ti nakasarak kenkuana agsipud ta innala ti Dios. Kuna ti Nasantoan a Surat a sakbay ti pannakayuli ni Enoc, naay-ayona ti Dios. Ngem no awan pammati, saan a mabalin nga ay-ayoen ti Dios. Ta ti siasinoman nga umasideg iti Dios, masapul a patienna nga adda Dios a manggunguna kadagiti agsapul kenkuana.


Babaen ti pammati, impangag ni Noe ti balakad ti Dios maipapan kadagiti bambanag iti masakbayan a dina pay nakita. Nagtulnog ket nangaramid iti daong a nakaisalakananda a sangapamiliaan. Gapu iti daytoy, inukomna ti lubong ket babaen ti pammati, inawatna ti kinalinteg nga aggapu iti Dios.


Babaen ti pammati, nagtulnog ni Abraham idi ayaban ti Dios ket rimmuar a napan iti maysa a daga nga inkari ti Dios a tawidenna. Pinanawanna ti lilina nupay dina ammo ti papananna. Babaen ti pammati, nagnaed a kas maysa a gangannaet iti daga nga inkari ti Dios kenkuana. Nagyan kadagiti tolda agraman da Isaac ken Jacob, isuda a nakipagtawid iti inkari ti Dios. Ta paspasungaden idi ni Abraham ti siudad a binangon ken inaramid ti Dios- ti siudad a nabangon iti mataginayon a fondasion.


Babaen ti pammati, nagsikog ni Sara nupay baketen agsipud ta nagtalek a tungpalen ti Dios ti inkarina. Iti kasta, nupay naibilang a kasla natayen ni Abraham, timmaud kenkuana ti adu a kaputotan a kas kaadu dagiti bitbituen sadi langit ken kas kaadu ti di mabilang a darat iti igid ti baybay.


Natay amin dagitoy a tattao a sitatalinaed iti pammati. Saanda a naawat dagiti inkari ti Dios, ngem nakita ken pinaspasngadanda dagitoy a kari uray no mabayag pay ti pannakatungpalda. Sibabatad a binigbigda a ganggannaet ken agdaldaliasatda ditoy daga. Ta iparangarang dagiti agkuna iti kasta nga agbirbirokda iti bukodda a daga. Saan a ti daga a pinanawanda ti pampanunotenda, adda koma gundawayda nga agsubli. Ngem kas makita, tartarigagayanda ti nasaysayaat a daga; wen, ti nainlangitan a daga. Isut' gapuna a saan a mabainan ti Dios no awaganda a Diosda agsipud ta insaganaanna ida iti maysa a siudad.

.

.

.

.

.
Salmo 110: 1-7
Proverbio/Pagsasao 27: 14

wwwtaraontibiag.blogspot.com]

Ti Pammaneknek ni Juan a Mammuniag

Nasantoan a Mabasa Ita Nga Aldaw

Naadaw iti Surat ni San Juan 1: 1-28



Agbalin a Tao ti Sao
Sakbay a naparsua ti lubong, addan ti Sao., ket ti Sao adda idi iti Dios, ket no ania ti Dios, kasta met ti Sao. Manipud idi punganay, adda ti Sao iti Dios. Pinarsua ti Dios dagiti isuamin babaen kenkuana; ket awan ti naparsua no di babaen kenkuana.


Adda idi kenkuana ti biag, ket daytoy a biag isu ti silaw dagiti tattao. Agraniag ti silaw iti sipnget, ket di mabalinan ti sipnget nga iddepen.


Imbaon ti Dios ti maysa a tao nga agnagan iti Juan. Immay a mangpaneknek kadagiti tattao maipapan ti silaw tapno mamati dagiti amin a manakangngeg kenkuana. Saan nga isu a mismo ti silaw, ngem immay tapno paneknekanna ti maipapan iti silaw. Daytoy ti pudno a silaw, ti silaw nga umay ditoy lubong, ken mangalawag kadagiti amin a tattao.


Ngarud, adda idin ti Sao ditoy lubong. Pinarsua ti Dios ti lubong babaen kenkuana; nupay kasta, saan a nabigbig ti lubong.


Napan iti ilina, ngem saan nga inawat dagiti kailianna. Ngem kadagiti amin nga immawat ken namati kenkuana, inikkanna ida ti kalintegan nga agbalin nga annak ti Dios kas iti kadawyan a pannakaipasngay ti tao; ta ti Dios a mismo ti Amada.


Nagbalin a tao ti Sao ket nakipagtaeng kadatayo. Nakitami ti dayagna a napnoan iti parabur ken kinapudno. daytoy idi ti dayag nga inawatna kas kakaisuna nga Anak ti Ama.


Pinaneknekan ni Juan ti maipapan kenkuana ket impukkawna: "Isu daytoy ti ibagbagak kadakayo idi kinunak, 'Sumarsaruno kaniak, ngem natantan-ok ngem siak, ta addan sakbay a nayanakak.'"


Iti kinabuslon ti paraburna, inawattayo amin a bendisionna: wen, agsasaruno a bendision ti impaayna kadatayo. Ta inted ti Dios ti Linteg babaen ken Moises; ngem immay ti parabur ken kinapudno babaen ken Jesu-Cristo. Awan pay nakakita iti Dios. Ti laeng Maymaysa, a kas iti Dios ken adda iti Ama; isu ti nangipakaammo kenkuana.

[Nabulod ti ladawan a naaramat]

Ti Pammaneknek ni Juan a Mammuniag
[Mat 3: 1-12; Mar 1: 1-8; Luc 3: 1-18]
Daytoy ti pammaneknek ni Juan kadagiti papadi ken Levita nga imbaon dagiti Judio nga adda idiay Jerusalem nga agsaludsod kenkuana, "Siasinoka?"


Saan a naglibak ni Juan. "Saan a siak ti Cristo," impudnona.


"Siasinoka ngarud?" sinaludsodda manen. "Sika kadi ni Elias?"


"Saan a siak," insungbat ni Juan.


"Sika kadi ti Profeta?" kinunada.


"Saan," insungbatna.


"Ibagam ngarud no siasinoka," kinunada. "Masapul nga adda isungbatmi kadagiti nangibaon kadakami. Ania ti masaom maipapan kenka?"


Insungbat ni Juan ti impadto ni profeta Isaias:

     "Siak ti timek ti maysa nga agpukpukkaw iti let-ang:
      Palintegenyo ti dalan a pagnaan ti Apo!"


Adda sumagmamano a naibaon a naggapu kadagiti Fariseo. Sinaludsodda ken Juan, "No saan a sika ti Cristo, wenno ni Elias, wenno ti Profeta, apay ngarud a mamumbuniagka?"


"Mamuniagak iti danum," insungbat ni Juan, "ngem makipulpulapol kadakayo ti maysa a diyo am-ammo. Sumarsaruno kaniak, ngem diak maikari a mangukas iti kordon ti sapatosna."


Napasamak amin dagitoy idiay Betania, iti ballasiw ti karayan Jordan a pamumbuniagan ni Juan.
.

.

.
Salmo 101: 1-8
Proverbio/Pagsasao 14: 13-14

wwwtaraontibiag.blogspot.com

Ti Panangaskasaba ni Juan a Mammuniag

Nasantoan a Mabasa Ita nga Aldaw

Naadaw iti Surat ni San Lucas 3: 1-22

Panangaskasaba ni Juan a Mammuniag
[Mat 3: 1-12; Mar 1: 1-8; Jn 1: 19-28]

Maikasangapulo ket lima a tawen idi ti panagturay ni Emperador Tiberio. Ni Poncio Pilato ti gobernador ti Judea; ni Herodes ti agturay idiay Galilea; ni kabsatna a Felipe ti agturay iti sakup ti Iturea ken Traconite; ni Lasanias ti agturay iti Abilene; da Anas ken Caifas ti 

agdama idi a Kangatoan a Papadi.


Iti dayta met la tiempo, dimteng ti sao ti Dios ken ni Juan nga anak ni Zacarias. Adda idi ni Juan idiay let-ang. Sinursorna amin a disso a madalan ti karayan Jordan.


"Agbabawikayo kadagiti basbasolyo, ket pabuniagankayo," inkaskasabana. "Iti kasta, pakawanen ti Dios dagiti basbasolyo."


Kas nailanad iti libro ni profeta Isaias:

"Idiay let-ang, adda mangipukpukkaw:
 Isaganayo ti dalan ti Apo,
 Pasayaatenyo ti pagnaanna!
 Masapul a magaburan dagiti amin a lungog,
 Masimpa dagiti amin a bantay ken turod,
 Mapalinteg dagiti killo-killo a dalan,
 Matarimaan dagiti lasonglasong a kalsada,
 Makitanto dagiti amin a tattao ti panangisalakan ti Dios!"


Nakaad-adu a tao ti napan ken ni Juan tapno agpabunniagda kenkuana.


"Dakayo a kaputotan ti uleg, siasino ti nangibaga a malisianyo ti dandanin dumteng 

a pungtot ti Dios? Ipakitayo babaen ti aramidyo a nagbabawikayon kadagiti basbasolyo. 

Ket diyo kunkuna ti bagiyo: 'Uray ta amamin ni Abraham!' Ta ibagak kadakayo a kabaelan 

ti Dios a pagbalinen dagitoy a bato nga annak ni Abraham! Naisaganan ti wasay a 

pangpukan kadagiti kayo agingga iti ramut. Mapukan ket maipuor amin a kayo a di 

agbunga iti nasayaat."


"Ania ti masapul nga aramidenmi?" sinaludsod dagiti tattao.


"Ti addaan iti dua a kagay," insungbat ni Juan, "masapul nga itedna ti maysa iti awanan. 

Ti addaan kanen, masapul a mangibingay."


Napan ti sumagmamano nga agsingsingir iti buis tapno agpabuniagda kenkuana, "Maestro," kinunada, "ania ti aramidenmi?"


"Dikay agsingsingir iti ad-adu ngem iti tumutop," imbagana kadakuada.


"Ket dakami," sinaludsod met dagiti soldado, "ania ti masapul nga aramidenmi?"


"Diyo piliten nga alaen ti kuarta ti siasinoman. Diyo met butbutngen ida tapno maalayo ti kuartada. Mapnekkayon iti sueldoyo," kinunana kadakuada.


Dimmakkel ti namnama dagiti tattao. Impapanda a ni Juan ti Cristo.


Ngem kinuna ni Juan kadakuada: "Buniagankayo iti danum, ngem sumarsaruno kaniak ti maysa a dakdakkel ti pannakabalinna ngem siak. Diak pay maikari a mangwarwar iti kordon ti sapatosna. Buniagannakayto iti Espiritu Santo ken apuy. Adda kenkuana ti bigao a 

pagtaepna iti irik. Urnongen ken idulinnanto ti irik iti kamaligna; ngem puorannanto 

ti taep iti apuy a di maiddep."


Kastoy ken dadduma pay a balakad ti imbagbagan ni Juan kadagiti tattao iti panangikaskasabana kadakuada ti Naimbag a Damag. Ngem binabalawna ni gobernador Herodes iti panangikabbalayna ken ni Herodias nga asawa ti kabsatna. Binabalawna pay ni Herodes gapu kadagiti adu a kinadakes nga inar-aramidna.

Inaramid pay ni Herodes ti dakdakes ngem dagitoy, ta pinaibaludna ni Juan.



Ti Pannakabuniag ni Jesus
[Mat 3: 13-17; Mar 1: 9-11]
Kalpasan ti pannakabuniag dagiti amin a tattao, nabuniagan met ni Jesus. Idi agkarkarag, naluktan ti langit, ket bimmaba kenkuana ti Espiritu Santo a kas maysa a kalapati. Adda nangngeg a timek a naggapu sadi langit, "Sika ti dungdungngoek nga Anakko," kinunana. "Maay-ayoak unay kenka."
.

.

.

Salmo 61: 1-8
Proverbio/Pagsasao 11: 16-17

wwwtaraontibiag.blogspot.com

Sermon ni Apo Jesus Iti Bantay

Nasantoan a Mabasa Ita nga Aldaw

Naadaw iti Surat ni San Mateo: 5: 1-12

[Nabulod ti ladawan a naaramat]

Sermon ni Apo Jesus Iti Bantay
Idi makita ni Jesus dagiti adu a tattao, simmang-at iti bantay. Nagtugaw, ket immasideg kenkuana dagiti adalanna. Isurona ida.

Dagiti Naimbag a Gasat
[Luc 6: 20-23]

Kinunana:

"Nagasat dagiti mangbigbig a napanglawda kadagiti naespirituan a banag, ta kukuada ti Pagarian ti langit.
 Nagasat dagiti agladladingit, ta liwliwaento ida ti Dios.
 Nagasat dagiti napakumbaba, ta tagikuaendanto ti daga nga inkari ti Dios.
 Nagasat dagiti nasged ti tarigagayna a mantungpal iti pagayatan ti Dios, ta mapnekdanto.
 Nagasat dagiti manangngaasi, ta kaasianto ida ti Dios.
 Nagasat dagiti nadalus ti panagpuspusona, ta makitadanto ti Dios.
 Nagasat dagiti mamagkakappia, ta naganento ida ti Dios nga annakna.
 Nagasat dagiti maidadanes gapu iti panangtungpalda iti pagayatan ti Dios, ta kukuada ti Pagarian ti langit.
 Nagasatkayo inton pabpabainan, idaddadanes ken padpadaksendakayo gapu kaniak. Agrag-o ken agragsakkayo,
   agsipud ta dakkel ti gungunayo sadi langit. Ta kastoy ti panangidadanes dagiti tattao kadagiti profeta
   nga immun-una ngem dakayo."

.

.

.

.

Salmo 5: 1-12

Proverbio/Pagsasao 1: 24-28

wwwtaraontibiag.blogspot.com

Ti Pangngarig maipapan iti Napukaw a Karnero

Nasantoan a Mabasa Ita nga Aldaw
Naadaw iti Surat ni San Mateo 18: 1-2o

Siasino ti Kangrunaan?
[Mar 9: 33-37; Luc 9: 46-48
Iti dayta a kanito, immasideg dagiti adalan ken ni Jesus ket sinaludsodda, "Siasino ti kangrunaan iti Pagarian ti langit?"

Nangayab ni Jesus iti ubing ket pinagtakderna iti sangngoananda. Kinunana, "Laglagipenyo a dikayto makastrek iti Pagarian ti langit no dikay agbalbaliw ken agbalin a kas kadagiti ubbing. Siasinoman nga agpakumbaba ken agbalin a kas iti daytoy nga ubing, isu ti kangrunaan iti Pagarian ti langit. Ket ti siasinoman nga umawat iti maysa kadagiti kakastoy nga ubing gapu kaniak, siak ti awatenna."

Dagiti Pakaigapuan ti Panagbasol
[Mar 9: 42-48; Luc 17: 1-2]
"No adda siasinoman a pakaigapuan ti panagbasol ti maysa kadagitoy nga ubbing a mamati kaniak, nasaysayaat koma a maigalut ti dakkel a gilingan a bato iti tengnged dayta a tao sa mailemmes iti taaw. Asi pay ti lubong gapu iti kaadu dagiti pakasulisogan dagiti tattao! Umay a di bumurong dagitoy a sulisog, ngem asi pay ti tao a pakaigapuanda!

No ta imam wenno sakam ti pakaigapuan ti panagbasolmo, putdem ken ibellengmo! Nasaysayaat a pawad wenno pukolka a sumrek iti biag nga agnanayon ngemti addaanka iti dua nga ima ken dua a saka ket maitappuakka iti agnanayon nga apuy. No ta matam ti pakaigapuan ti panagbasolmo, suatem ket ibellengmo! Nasaysayaat a buldingka a sumrek iti biag nga agnanayon ngem ti addaanka iti dua a mata ket maitappuakka iti apuy idiay impierno."

[Nabulod ti ladawan a naaramat]




 Ti Pangngarig maipapan iti Napukaw a Karnero
[Luc 15: 3-7]
"Kitaenyo ta diyo laisen ti uray maysa kadagitoy nga ubbing. Ta ibagak kadakayo nga idiay langit, kankanayon a kitkitaen dagiti anghelesda ni Amak nga adda sadi langit [Ta immay ti Anak ti Tao tapno isalakanna ti napukaw.]

Ania ti makunayo? Ania ti aramiden ti maysa a tao nga addaan iti sangagasut a karnero no mapukawna ti maysa kadakuada? Panawanna dagiti siam a pulo ket siam iti turod ken mapanna sapulen ti napukaw a karnero. Ibagak kadakayo a no masapulanna, ad-addanto ti ragsakna iti daytoy a karnero ngem dagiti siam a pulo ket siam a saan a napukaw. Kasta met a di kayat ni Amayo sadi langit a mapukaw ti uray maysa kadagitoy nga ubbing."



Ti Kabsat a Makabasol
"No makabasol kenka ti kabsatmo, inka kenkuana ket ibagam ti basolna. Ngem aramidem daytoy no duduakayo. No dumngeg kenka, napasublimon ti kabsatmo. Ngem no dinaka ikaskaso, mangikuyogka iti maysa wenno dua a kaduam tapno kas nailanad iti Nasantoan a Surat, 'mapatalgedan ti amin a pammabasol babaen ti pammaneknek ti dua wenno tallo a saksi. Ngem no dina denggen ida, ipakaammom iti iglesia. Ket no dina latta denggen ti iglesia, ibilangmon dayta a kabsat a kas maysa a gangannaet wenno agsingsingir iti buis."

Panangiparit ken Panangipalubos
"Ibagak ngarud kadakayo: Ti aniaman nga iparityo ditoy daga, maiparitto met idiay langit; ket ti aniaman nga ipalubosyo ditoy daga, maipalubosto met idiay langit.


Adda pay ibagak kadakayo: No pagnummoan ti dua kadakayo ditoy daga ti aniaman a dawatenyo, itedto kadakayo ti Amak sadi langit. Ta no sadino ti yan ti dua nga agguummong gapu iti naganko, addaak kadakuada sadiay."
.

.

.
Salmo 22: 19-31
Proverbio/Pagsasao 5: 15-21

wwwtaraontibiag.blogspot.com

Ti Panangaskasaba ni Juan a Mammuniag

Nasantoan a Mabasa Ita nga Aldaw,

Naadaw iti Surat ni San Lucas 3: 1-22

[Nabulod ti ladawan a naaramat]

Ti Panangaskasaba ni Juan a Mammuniag
[Mat 3: 1-12; Mar 1: 1-8; Jn 1: 19-28]
Maikasangapulo ket lima a tawen idi ti panagturay ni Emperador Tiberio. Ni Poncio Pilato ti gobernador ti Judea; ni Herodes ti agturay idiay Galilea; ni kabsatna a Felipe ti agturay iti sakup ti Iturea ken Traconite; ni Lasanias ti agturay iti Abilene; da Anas ken Caifas ti agdama idi a Kangatoan a Papadi.

Iti dayta met la tiempo, dimteng ti sao ti Dios ken ni Juan nga anak ni Zacarias. Adda idi ni Juan idiay let-ang. Sinursorna amin a disso a madalan ti karayan Jordan.


"Agbabawikayo kadagiti basbasolyo, ket pabuniagankayo," inkaskasabana. "Iti kasta, pakawanen ti Dios dagiti basbasolyo."

Kas nailanad iti libro ni profeta Isaias:

"Idiay let-ang, adda mangipukpukkaw:
 Isaganayo ti dalan ti Apo,
 Pasayaatenyo ti pagnaanna!
 Masapul a magaburan dagiti amin a lungog,
 Masimpa dagiti amin a bantay ken turod,
 Mapalinteg dagiti killo-killo a dalan,
 Matarimaan dagiti lasonglasong a kalsada,
 Makitanto dagiti amin a tattao ti panangisalakan ti Dios!"

Nakaad-adu a tao ti napan ken ni Juan tapno agpabunniagda kenkuana.


"Dakayo a kaputotan ti uleg, siasino ti nangibaga a malisianyo ti dandanin dumteng a pungtot ti Dios? Ipakitayo babaen ti aramidyo a nagbabawikayon kadagiti basbasolyo. Ket diyo kunkuna ti bagiyo: 'Uray ta amamin ni Abraham!' Ta ibagak kadakayo a kabaelan ti Dios a pagbalinen dagitoy a bato nga annak ni Abraham! Naisaganan ti wasay a pangpukan kadagiti kayo agingga iti ramut. Mapukan ket maipuor amin a kayo a di agbunga iti nasayaat."


"Ania ti masapul nga aramidenmi?" sinaludsod dagiti tattao.

"Ti addaan iti dua a kagay," insungbat ni Juan, "masapul nga itedna ti maysa iti awanan. Ti addaan kanen, masapul a mangibingay."


Napan ti sumagmamano nga agsingsingir iti buis tapno agpabuniagda kenkuana, "Maestro," kinunada, "ania ti aramidenmi?"


"Dikay agsingsingir iti ad-adu ngem iti tumutop," imbagana kadakuada.


"Ket dakami," sinaludsod met dagiti soldado, "ania ti masapul nga aramidenmi?"


"Diyo piliten nga alaen ti kuarta ti siasinoman. Diyo met butbutngen ida tapno maalayo ti kuartada. Mapnekkayon iti sueldoyo," kinunana kadakuada.


Dimmakkel ti namnama dagiti tattao. Impapanda a ni Juan ti Cristo.


Ngem kinuna ni Juan kadakuada: "Buniagankayo iti danum, ngem sumarsaruno kaniak ti maysa a dakdakkel ti pannakabalinna ngem siak. Diak pay maikari a mangwarwar iti kordon ti sapatosna. Buniagannakayto iti Espiritu Santo ken apuy. Adda kenkuana ti bigao a pagtaepna iti irik. Urnongen ken idulinnanto ti irik iti kamaligna; ngem puorannanto ti taep iti apuy a di maiddep."


Kastoy ken dadduma pay a balakad ti imbagbagan ni Juan kadagiti tattao iti panangikaskasabana kadakuada ti Naimbag a Damag. Ngem binabalawna ni gobernador Herodes iti panangikabbalayna ken ni Herodias nga asawa ti kabsatna. Binabalawna pay ni Herodes gapu kadagiti adu a kinadakes nga inar-aramidna.


Inaramid pay ni Herodes ti dakdakes ngem dagitoy, ta pinaibaludna ni Juan.



Ti Pannakabuniag ni Jesus
[Mat 3: 13-17; Mar 1: 9-11]
Kalpasan ti pannakabuniag dagiti amin a tattao, nabuniagan met ni Jesus. Idi agkarkarag, naluktan ti langit, ket bimmaba kenkuana ti Espiritu Santo a kas maysa a kalapati. Adda nangngeg a timek a naggapu sadi langit, "Sika ti dungdungngoek nga Anakko," kinunana. "Maay-ayoak unay kenka."
.

.

.

.
Salmo 61: 1-8
Proverbio/Pagsasao 11: 16-17

wwwtaraontibiag.blogspot.com

Ti Pammaneknek ni Juan a Mammuniag

Nasantoan a Mabasa Ita nga Aldaw

Naadaw iti Surat ni San Juan 1: 1-28

Agbalin a Tao ti Sao
Sakbay a naparsua ti lubong, addan ti Sao., ket ti Sao adda idi iti Dios, ket no ania ti Dios, kasta met ti Sao. Manipud idi punganay, adda ti Sao iti Dios. Pinarsua ti Dios dagiti isuamin babaen kenkuana; ket awan ti naparsua no di babaen kenkuana.


Adda idi kenkuana ti biag, ket daytoy a biag isu ti silaw dagiti tattao. Agraniag ti silaw iti sipnget, ket di mabalinan ti sipnget nga iddepen.


Imbaon ti Dios ti maysa a tao nga agnagan iti Juan. Immay a mangpaneknek kadagiti tattao maipapan ti silaw tapno mamati dagiti amin a manakangngeg kenkuana. Saan nga isu a mismo ti silaw, ngem immay tapno paneknekanna ti maipapan iti silaw. Daytoy ti pudno a silaw, ti silaw nga umay ditoy lubong, ken mangalawag kadagiti amin a tattao.


Ngarud, adda idin ti Sao ditoy lubong. Pinarsua ti Dios ti lubong babaen kenkuana; nupay kasta, saan a nabigbig ti lubong.


Napan iti ilina, ngem saan nga inawat dagiti kailianna. Ngem kadagiti amin nga immawat ken namati kenkuana, inikkanna ida ti kalintegan nga agbalin nga annak ti Dios kas iti kadawyan a pannakaipasngay ti tao; ta ti Dios a mismo ti Amada.


Nagbalin a tao ti Sao ket nakipagtaeng kadatayo. Nakitami ti dayagna a napnoan iti parabur ken kinapudno. daytoy idi ti dayag nga inawatna kas kakaisuna nga Anak ti Ama.


Pinaneknekan ni Juan ti maipapan kenkuana ket impukkawna: "Isu daytoy ti ibagbagak kadakayo idi kinunak, 'Sumarsaruno kaniak, ngem natantan-ok ngem siak, ta addan sakbay a nayanakak.'"


Iti kinabuslon ti paraburna, inawattayo amin a bendisionna: wen, agsasaruno a bendision ti impaayna kadatayo. Ta inted ti Dios ti Linteg babaen ken Moises; ngem immay ti parabur ken kinapudno babaen ken Jesu-Cristo. Awan pay nakakita iti Dios. Ti laeng Maymaysa, a kas iti Dios ken adda iti Ama; isu ti nangipakaammo kenkuana.

[Nabulod ti ladawan a naaramat]

Ti Pammaneknek ni Juan a Mammuniag
[Mat 3: 1-12; Mar 1: 1-8; Luc 3: 1-18]
Daytoy ti pammaneknek ni Juan kadagiti papadi ken Levita nga imbaon dagiti Judio nga adda idiay Jerusalem nga agsaludsod kenkuana, "Siasinoka?"


Saan a naglibak ni Juan. "Saan a siak ti Cristo," impudnona.


"Siasinoka ngarud?" sinaludsodda manen. "Sika kadi ni Elias?"


"Saan a siak," insungbat ni Juan.


"Sika kadi ti Profeta?" kinunada.


"Saan," insungbatna.


"Ibagam ngarud no siasinoka," kinunada. "Masapul nga adda isungbatmi kadagiti nangibaon kadakami. Ania ti masaom maipapan kenka?"


Insungbat ni Juan ti impadto ni profeta Isaias:

     "Siak ti timek ti maysa nga agpukpukkaw iti let-ang:
      Palintegenyo ti dalan a pagnaan ti Apo!"


Adda sumagmamano a naibaon a naggapu kadagiti Fariseo. Sinaludsodda ken Juan, "No saan a sika ti Cristo, wenno ni Elias, wenno ti Profeta, apay ngarud a mamumbuniagka?"


"Mamuniagak iti danum," insungbat ni Juan, "ngem makipulpulapol kadakayo ti maysa a diyo am-ammo. Sumarsaruno kaniak, ngem diak maikari a mangukas iti kordon ti sapatosna."


Napasamak amin dagitoy idiay Betania, iti ballasiw ti karayan Jordan a pamumbuniagan ni Juan.


Salmo 101: 1-8
Proverbio/Pagsasao 14: 13-14

wwwtaraontibiag.blogspot.com

Dagiti Imbaon ni Juan a Mammuniag

Nasantoan a Mabasa Ita Nga Aldaw

Naadaw iti Surat ni San Mateo 1o: 24-42/11: 1-6

Dagiti Umay a Pannakaidadanes
[Mar 13: 9-13; Luc 12: 12-17]
"Saan a natantan-ok ti agad-adal ngem ti maestrona; saan met a naturturay ti adipen ngem ti apona. Ngarud, mapnek koma ti agad-adal no agbalin a kas iti maestrona; kasta met adipen; agbalin a kas iti apona. No Beelzebub ti ipanaganda iti pangulo ti maysa a pamilia, naal-alasto pay ti maipanagan kadagiti kamkameng ti pamiliana."

Ti Rumbeng a Pagbutngan
[Luc 12: 2-7]
"Dikay ngarud agbuteng kadagiti tao; ta awan ti nailemmeng a dinto maiparangarang, ket awan met ti palimed a dinto mailatak. Ti ibagak kadakayo iti kasipngetan, isaoyo iti lawag; ket ti mayarasaas kadakayo, ipukkawyo iti tuktok dagiti balbalay. Dikay agbuteng kadagiti mangpapatay iti bagi, ngem dida mabalin a papatayen ti kararua. Agbutengkayo ketdi iti Dios, isu a mannakabalin a mangpapatay iti bagi ken kararua idiay impierno. Iti maysa a sentabo, makagatangkayo iti dua a billit-tuleng. Nupay kasta, awan matnag uray maysa kadakuada no di ipalubos ni Amayo. No maipapan kadakayo, , uray dagiti buokyo nabilangda aminen. Isu gapuna a dikay agbuteng ta napatpategkayo nga adayo nge ti adu a billit-tuleng."

Panangipudno ken Panangilibak ken Cristo
[Luc 12: 8-9]
"Siasino man a mangipudno kadagiti tattao iti pannakikaduana kaniak, ipudnokto met iti imatang ni Amak sadi langit. Ngem ti mangilibak kadagiti tattao iti pannakikaduana kaniak, ilibakkonto met iti sangngoanan ni Amak sadi langit."

Saan a Kappia no di ket Kampilan
[Luc 12: 51-53; 14: 26-27]
"Diyo ipagarup nga immayak mangyeg iti kappia ditoy lubong. Diak immay mangyeg iti kappia no di ket kampilan. Immayak tapno pataudek ti ibubusor dagiti annak a lallaki kadagiti ammada, dagiti annak a babbai kadagiti innada, dagiti manugang a babbai kdagiti katuganganda a babbai. Dagiti kabusor ti maysa a tao isudanto dagiti kamkameng a mismo a pamiliana."

"Ti dakkel ti panagayatna iti ama wenno inana ngem ti panagayatna kaniak, saan a maikari kaniak; ti dakdakkel ti panagayatna kadagiti annakna ngem ti panagayatna kaniak, saan a maikari kaniak. Siasino man a di mangibaklay ti krusna ken sumurot kaniak, saan a maikari kaniak. Siasino man a mangisalakan iti biagna, mapukawnanto; ket ti makapukaw iti biagna gapu kaniak, masarakannanto."

Dagiti Gunggona
[Mar 9: 41]
"Siasino man nga umawat kadakayo, siak met laeng ti awatenna. Siasino man nga umawat kaniak, awatenna met ti nangibaon kaniak. Siasino man nga umawat iti profeta gapu ta maysa a profeta; magunggonaanto met a kas iti pannakagunggona ti profeta. Siasino man nga umawat iti nalinteg a tao, gapu ta isu ket nalinteg a tao, magunggonaanto met kas iti pannakagunggona ti nalinteg a tao. Laglagipenyo a ti siasinoman a ,mamgted iti uray sangabaso laeng a nalamiis a danum iti maysa kadagitoy nanumo a pasurotko, gapu ta isu ket pasurotko, awatennanto nga awaten ti gunggonana."

[Nabulod ti ladawan a naaramat. Ni Juan a Mammuniag]

San Mateo 11: 1-6
Dagiti Imbaon ni Juan a Mammuniag
[Luc 7:18-35]
Kalpasan ti pananbilin ni Jesus kadagiti sangapulo ket dua nga adalanna, pimmanaw iti dayta a lugar ket napan nangisursuro ken nangaskasaba kadagiti il-ili nga asideg sadiay.

Adda ni Juan a Mammuniag iti pagbaludan idi nadamagna ti aramid ni Cristo ket imbaonna ken Jesus ti sumagmamano kadagiti adalanna.


"Sika kadi ti umayto a kas inkaskasaba ni Juan, wenno agpadaankami iti sabali?" sinaludsodda kenkuana.


Simmungbat ni Jesus, "Agsublikayo ken ni Juan ket ibagayo kenkuana ti mangngeg ken makitayo: makakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay, ket maikaskasaba ti Naimbag a Damag kadagiti napanglaw. Nagasat ti tao a di agduadua kaniak!"

.

.

.

Salmo 13: 1-6

Proverbio/Pagsasao 3: 16-18 

wwwtaraontibiag.blogspot.com

Ti Nabaknang nga Agtutubo

Nasantoan a Mabasa Ita nga Aldaw

Naadaw iti Surat ni San Mateo 19: 13-30

Bendisionan ni Jesus dagiti Ubbing
[Mar 10:13-16; Luc 18:15-17]
Adda sumagmamano a tattao a nangyasideg kadagiti ubbing ken Jesus tapno ipatayna ti imana kadakuada ken ikararaganna ida. Ngem inungtan ida dagiti adalan gapu iti inaramidda.

"Palubosanyo dagiti ubbing nga umay kaniak," kinuna ni Jesus. "Diyo paritan ida ta dagiti kas kadakuada ti agtagikua iti Pagarian ti langit."

Ket impatayna ti imana kadakuada sa pimmanaw.

[Nabulod laeng ti ladawan a naaramat]

Ti Nabaknang nga Agtutubo
[Mar 10:17-31; Luc18:18-30]
Napan ti maysa nga agtutubo ken Jesus ket sinaludsodna, "Maestro, ania ti naimbag nga aramidek tapno magun-odko ti biag nga agnanayon?"

"Apay saludsodem kaniak no ania ti naimbag?" insungbat ni Jesus. "Maymaysa laeng ti naimbag. No kayatmo ti sumrek iti biag nga agnanayon, tungpalem dagiti bilbilin."

"Ania a bilbilin?" sinaludsodna.


Insungbat ni Jesus: "Dika mamapatay; dika makikamalala; dika agtakaw; dika agsaksi iti ulbod; agraemka kadagiti nagannak kenka; ken ayatem ti padam a tao a kas iti panagayatmo iti bagim."


"Tinungtungpalko amin dagitoy a bilbilin," insungbat ti agtutubo. "Ania pay ti masapulko?"


Kinuna ni Jesus kenkuana, "No kayatmo nga awan ti pagkurangam, inka ilako ti amin a sanikuam; itedmo kadagiti napanglaw ti paglakuam, ket addanto kinabaknangmo idiay langit. Kalpasanna, umayka sumurot kaniak."

Idi mangngeg ti agtutubo daytoy, sililiday a pimmanaw agsipud ta nabaknang unay.

Kinuna ni Jesus kadagiti adalanna, "Ibagak kadakayo a narigatto a sumrek ti baknang iti Pagarian ti langit. Ket kunak pay kadakayo: Nalaklaka ti ilulusot ti kamelio iti abut ti dagum, ngem ti iseserrek ti baknang iti Pagarian ti Dios."

Napalalo ti siddaaw dagiti adalan idi mangngegda daytoy. "Siasino ngaruden ti maisalakan?" sinaludsodda.

Minatmatan ida ni Jesus ket insungbatna, "Saan a maaramid ti tao daytoy ngem kabaelan amin ti Dios."


Nagsao ni Pedro: "Adtoy, binaybay-anmi amin ket simmurotkami kenka. Anianto ngarud ti gungunami?"


Kinuna ni Jesus kadakuada, "Ibagak daytoy kadakayo: Inton agtugaw ti Anak ti Tao iti nagloriaan a tronona iti Baro a Lubong, dakayo a sangapulo ket dua a simmurot kaniak, agtugawkayto met kadagiti sangapulo ket dua a trono a mangituray kadagiti sangapulo ket dua a tribu ti Israel. Ket amin a nangpanaw iti balay, kakabsat, annak wenno dagdagana gapu kaniak, umawatto iti maminggasut a kaadu ket tawidendanto ti biag nga agnanayon. Ngem adu dagiti umun-una ita a maud-udinto, ket adda dagiti maud-udi ita nga umun-unanto."

.

.

.

.

Salmo 24: 1-10
Proverbio/Pagsasao 6: 1-5

wwwtaraontibiag.blogspot.com

Ti Iyaay ni Jesus

Nasantoan a Mabasa Ita nga Aldaw

Naadaw iti Paltiing ni Jesu-Cristo ken ni San Juan
Paltiing 22

[Nabulod ti ladawan a naaramat]

Ti Baro a Jerusalem
Impakita pay ti anghel ti karayan ti biag. Nalitnaw ti danumna a kas kristasl a rummuar iti trono ti Dios ken ti Kordero. Agayus iti tengnga ti kalsada ti siudad. Iti agsumbangir ti karayan, adda kayo ti biag a binulan nga agbunga, ket dagiti bulongna pangagas iti sakit dagiti nasion. Awan ti masarakan iti siudad kadagiti amin nga inlunod ti Dios.

Masarakan iti siudad ti trono ti Dios ken Kordero ket agdaydayawto kenkuana dagiti adipenna. Makitadanto ti rupana ket maisuratto ti naganna iti mugingda. Awan ti rabii sadiay ket didanto masapul ti pagsilawan wenno ti lawag ti init agsipud ta ni Apo Dios ti silawdanto ket agarinto iti  agnanayon nga awan inggana.

[Nabulod ti ladawan a naaramat]

Ti Iyaay ni Jesus
Kalpasanna, kinuna kaniak ti anghel, "Napudno ken mapagtalkan dagitoy a sao. Ni Apo Dios a nangted iti Espirituna kadagiti profeta, isu ti nangibaon iti anghelna tapno ipakitana kadagiti adipenna met laeng a masapul a mapasamak iti mabiit."


"Dumngegkayo!" kinuna ni Jesus. "Umayakon! Nagasat dagiti agtungpal kadagiti padto iti daytoy a libro!"


Siak ni Juan a nakangngeg ken nakakita kadagitoy a bambanag. Kalpasan ti pannakangngeg ken pannakakitak kadagitoy, nagpaklebak iti sakaanan ti anghel tapno agdaydayawak kenkuanan. Ngem kinunana kaniak: "Saanmo nga aramiden ti kasta! Adipenak met a kas kenka ken kas kadagiti kakabsatmo a profeta ken kas kadagiti amin a angtulnog dagiti sao iti daytoy a libro. Ti Dios laeng ti pagdayawam!" Kinunana pay: "Dimo ilimlimed dagiti padto agsipud ta asidegen ti pannakapasamakda. Agtultuloy a dumakes dagiti managdakdakes. Agtultuloy nga agbiag a narugit ti narugit ti panagbiagna, ngem agtultuloy nga agbalin a naimbag ti naimbag, ket nasantoan, agtultuloy ti panagbiagna a nasantoan."


Kinuna ni Jesus: "Dumngegkayo, umayakon! Itugotko dagiti panggunggonak iti tunggal maysa kas mayannurot iti inaramidna. Siak ti Alfa ken ti Omega, ti umuna ken ti maudi, ti pangrugian ken ti panungpalan."


Nagasat ti mangdalus kadagiti kagayda ta maikkanda iti kalintegan a sumrek iti siudad ken mangan iti bunga ti kayo ti biag. Ngem mabati iti ruar ti siudad dagiti aso, dagiti managsalamangka, dagiti mannakikamalala, dagiti mammapatay, dagiti agdaydayaw kadagiti didiosen ken dagiti naulbod iti sao ken aramid.


Siak ni Jesus a nangibaon iti anghelko tapno ipakaammona dagitioy kadakayo nga adda kadagiti iglesia. Nagtaudak iti kaputotan ni David. Siak ti naraniag a bituen ti agsapa."


"Umayka!" kuna ti Espiritu ken Nobia.


"Umayka!" kuna met dagiti amin a makangngeg iti daytoy.


Umasideg ti siasinoman a mawaw. Awaten ti siasinoman a mayat ti danum ti biag a kas sagut.




Panggibusan
Siak ni Juan. Siiingetak a mangballaag iti siasinoman a makangngeg kadagiti padto a naisurat iti daytoy a libro: No adda mangnayon iti naisurat iti daytoy a libro, inayonto met ti Dios iti dusana dagiti naisurat a didigra iti daytoy. Ket no adda mangikkat iti aniaman kadagiti padto a naisurat iti daytoy, ikkatento ti Dios ti kalinteganna a makipaglak-am iti kayo ti biag. Ikkatento pay ti Dios ti kalinteganna a mairaman iti Nasantoan a Siudad kas nailanad iti daytoy a libro.


Kuna iti mangpaneknek iti daytoy, "Agpayso nga umayakon!"


"Amen! Umaykan, Apo Jesus!"


Sapay koma ta ti parabur ni Apo Jesus magun-od ti amin.

.

.

.

.

.
Salmo 150: 1-6
Proverbio/Pagsasao 31: 25-31

wwwtaraontibiag.blogspot.com

Ni Jesus ken ti Babai a taga-Samaria

Nasantoan a Mabasa Ita nga Aldaw, 
Naadaw iti Surat ni San Juan 4: 4-42

[Nabulod ti ladawan a naaramat]

Ni Jesus ken ti Babai a taga-Samaria
Pimmanaw ngarud idiay Judea ket nagsubli idiay Galilea. Masapul a lumasat idiay Samaria.


Dimteng idiay Sicar, maysa nga ili ti Samaria, iti asideg ti talon nga inted ni Jacob ken ni Jose nga anakna. Adda sadiay ti bubon ni Jacob.


Nagtugaw ni Jesus iti abay ti bubon gapu ta nabannog a nagna. Nganngani tengnga ti aldaw idi.

Napan gimmatang dagiti adalanna iti kanenda idiay ili.


Iti saan a mabayag, dimteng ti maysa a Samaritana tapno sumakdo.

"Makiinumak man," kinuna ni Jesus kenkuana.

"Ania?" kinuna ti babai. "Maysaka a Judio, ket makiinumka kaniak a Samaritana?" [Ta saan nga ugali dagiti Judio ti makilangenlangen kadagiti Samaritano].

"No ammom la koma ti sagut nga ited ti Dios ken no siasino ti dumawdawat kenka iti inumen, dumawatka koma kenkuana ket ikkannaka iti nabiag a danum," insungbat ni Jesus.


"Apo," kinuna ti babai. "Nauneg ti bubon ket awan met pagsakdum. Pangalaam ngarud iti nabiag a danum? Inted kadakami ni Jacob nga amatayo daytoy a bubon. Nagin-inumanna daytoy a bubon agraman dagiti annak ken tarakenna. Dakdakkelka kadi ngem ni Jacob?"

"Siasinoman nga uminum iti daytoy a danum, mawawto manen," kinuna ni Jesus, "ngem ti uminum iti danum nga itedko, saanton a mawaw. Ta ti danum nga itedko kenkuana agbalinto nga ubbog iti unegna a mangted kenkuana iti nabiag a danum ken biag nga agnanayon."


"Apo," kinuna ti babai. "Itedmo kaniak daytoy a danum tapno diakton mawaw wenno umay sumakdu ditoy."

"Inka ayaban ti asawam saka agsubli ditoy," kinuna ni Jesus.


"Awan asawak," kinuna ti babai.


"Agpayso ta kunam nga awan asawam," kinuna ni Jesus. "Naminlimaka a nakiasawa, ket saanmo nga asawa ti lalaki a kabbalaymo ita. Pudno ti imbagam kaniak."


"Apo," kinuna ti babai, "madlawko a profetaka. Ditoy a bantay ti nagdaydayawan dagiti ammami iti Dios; ngem dakayo a Judio kunayo nga idiay Jerusalem ti rumbeng a pagdaydayawan."


"Babai," kinuna ni Jesus, "patiem ti kunak nga umayto ti tiempo a saan a ditoy a bantay wenno idiay Jerusalem ti pagdaydayawan iti Ama. Dakayo a Samaritano, diyo ammo no siasino ti daydayawenyo. Dakami, ammomi ti daydayawenmi ta aggapu kadagiti Judio ti pannakaisalakan. Ngem umasideg ti tiempo, ket dimtengen, a dagiti napaypayso nga agdaydayaw, daydayawendanto ti Ama iti espiritu ken kinapudno. Ta dagiti kakasta ti sapsapulen ti Ama nga agdayaw kenkuana. Ti Dios ket Espiritu. Ngarud, dagiti agdaydayaw kenkuana masapul nga agdaydayawda iti Espiritu ken kinapudno."


Kinuna kenkuana ti babai, "Ammok nga umayto ti Mesias a maawagan iti Cristo. Inton umay, ibagananto amin a banag."


"Siak dayta," insungbat ni Jesus. "Wen, siak a makisasao kenka."


Iti dayta a kanito, simmangpet dagiti adalan ni Jesus. Kasta unay ti siddaawda ta nadanonda a makisasao iti babai. Ngem awan kadakuada ti nagdamag iti babai no ania ti masapulna. Saanda met a nagsaludsod ken Jesus no apay a makisasao kenkuana.


Pinanawan ti babai ti karambana ket nagsubli iti ili. "Umaykayo!" kinunana kadagiti tattao. "Adda nangibaga kaniak iti amin nga inar-aramidko. Saan ngata nga isu ti Cristo? Umayyo kitaen!"


Rimmuarda ngarud iti ili ket napanda iti yan ni Jesus.


Kabayatanna, yaw-awis dagiti adala ken Jesus: "Maestro, umayka manganen!"


Ngem kinunana kadakuada, "Adda taraonko a diyo ammo."

Isut' gapuna a nagsisinnaludsod dagiti adalan, "Siasino ngata ti nangted iti kanenna?"


"Ti taraonko isut' panangtungpalko iti pagayatan ti nangibaon kaniak ken iti panangileppasko iti paaramidna," kinuna ni Jesus kadakuada.


Innayon ni Jesus: "Adda pagsasaoyo, 'Uppat pay a bulan ken panagani.' Ngem ibagak kadakayo, kitaenyo a naimbag dagiti taltalon. Natangkenanen dagiti dawa ket mabalinen nga anien! Matangdanan dagiti agani ket urnongenda ti apit para iti biag nga agnanayon. Iti kasta,  agpadpada nga agragsak ti agmula ken agani. Ta pudno ti pagsasao: 'Maysa ti agmula, sabali ti agani.' Imbaonkayo nga agani iti saanyo a nagbannogan. Sabali dagiti nagtrabaho, ket dakayo ti aglak-am ti nagbannoganda."


Adu a Samaritano iti dayta nga ili ti namati ken Jesus gapu ta kinuna ti babai: "Imbagana kaniak ti amin nga inar-aramidko." Isut' gapuna nga idi napanda ken Jesus, inadawatda a makipagyan kadakuada. Nagbati ni Jesus idiay iti dua nga aldaw.


Adu pay ti namati ken Jesus gapu iti insursurona. Kinuna dagiti tattao iti babai, "Mamatikamin, saanen a gapu iti saom, ngem gapu ta dakami a mismo ti nakangngeg kenkuana, ket ammomi a talaga nga isu ti Mangisalakan iti lubong."

.

.

.

.

Salmo 105: 1-15
Proverbio/Pagsasao 14: 25

wwwtaraontibiag.blogspot.com