Taraon ti Biag...

[nabulod ti ladawan]

Nasantoan a Mabasa:
Marso 7, 2011 [Lunes]
Numbers 8
Numbers 9
San Marcos 13: 14-37

Marso 8, 2011 [Martes]
Numbers 10
Numbers 11: 1-23
San Marcos 14: 1-21

Marso 9, 2011 [Mierkules]
Numbers 11: 24-35
Numbers 12
Numbers 13
San Marcos 14: 22-52

Marso 10, 2011 [Huebes]
Numbers 14
Numbers 15: 1-16
San Marcos 14: 58-72

Marso 11, 2011 [Biernes]
Numbers 15: 17-41
Numbers 16: 1-40
San Marcos 15

Marso 12, 2011 [Sabado]
Numbers 16: 41-50
Numbers 17
Numbers 18
San Marcos 16

Nasantoan a Mabasa Ita nga Aldaw, Marso 13, 2011 [Domingo]
Numbers 19
Numbers 20
San Lucas 1: 1-26





Maipakaammo ti Pannakayanak ni Juan a Mamuniag

Idi ni Herodes ti ari idiay Judea, adda maysa a padi nga agnagan iti Zacarias a kamkameng ti bunggoy dagiti papadi nga ipanguloan ni Abias. Elisabet ti nagan ti asawana a nagtaud iti kaputotan ni Aaron a padi.

Iti imatang ti Dios,nagbiag a sililinteg dagiti agasawa. Awan ti pagkurangan ti panagtungpal kadagiti amin a paglintegan ken bilin ti Apo.

Awan anakda ta lupes ni Elisabet. Maysa pay, lakay ken baketdan.

Iti maysa nga aldaw, dimteng ti batang ti bunggoy ni Zacarias nga agserbi iti Templo, ket madama nga ar-armidenna ti rebbengna a kas padi iti sangoanan ti Dios.

Kas kadawyan dagiti papadi, nagbibinnunotda no siasino ti sumrek iti Templo ti Apo a mangpuor iti insenso ti altar. Napagasatan ni Zacarias ket simrek iti Templo ti Apo.

Idi pupuoranna ti insenso iti uneg, agkararag met dagiti tattao iti ruar.

Nagparang ken ni Zacarias ti maysa nga anghel ti Apo ket nagtakder iti makannawan ti pakapupuoran ti insenso. Nariribuk ni Zacarias idi makitana ket nagbuteng iti napalalo.

"Dika agbuteng, Zacarias!" kinuna ti anghel. "Impangag ti Dios ti kararagmo. Aganakto ni Elisabet nga asawam. Lalakinto ti anakyo ket panaganamto iti Juan. Agragsakkanto iti kasta unay, ket adunto met ti agragsak iti pannakaipasngayna ta naindaklanto a tao iti imatang ti Apo. Mapnonto iti Espiritu Santo uray adda pay laeng iti tian ni inana ket dinto uminum iti arak wenno uray ania a makabartek. Adunto kadagiti Israelita ti pasublienna iti Apo a Diosda. Umun-unanto ngem isu ti maibaon. Addanto kenkuana ti bileg ken pannakabalin ni profeta Elias. Pagtutunosennanto dagiti amma ken dagiti annak. Pasubliennanto dagiti nasukir iti kinaimbag. Isaganananto dagiti tattao a maipaay iti Apo."

"Kasano ti pannakaammo a mapasamakto daytoy?" sinaludsod ni Zacarias iti anghel. "Lakayakon ken baket metten ni asawak."
"Dika mamati Zacarias? Agsipudta ta dimo patien ti imbagak a maaramidto iti tiempo a naituding, aglimekkanto ket dikanto makasao agingga iti aldaw a pannakatungpal dagiti sinaok kenka. Siak ni Gabriel nga agtaktakder iti sangoanan ti Dios. Imbaonnak a makisao ken mangidanon kenka iti daytoy naimbag a damag."

Kabayatananna, masmasdaaw dagiti tattao nga agur-uray ken ni Zacarias agsipud ta nabayag unay ti kaaddana iti uneg. Idi rummuar, saanen a makasao, ket daytoy ti nakaammoanda nga adda nagparang kenkuana iti Templo. Gapu ta saanen a makasao, nagsenias lattan kadakuada.

Idi nalpasen ti panagserbi ni Zacarias iti Templo, nagawiden.

Iti saan a mabayag, nagsikog ni Elisabet nga asawana, ket lima a bulan a di rimrimmuar iti balay.

"Inaramid daytoy kaniak ti Apo," kinuna ni Elisabet. "Inikkatnan ti pakaibabainak iti imatang ti tao."

Iti maikanem a bulan ti sikog ni Elisabet, imbaon ti Dios ni anghel Gabriel a mapan idiay Galilea, iti ili ti Nazaret.