 |
| [maysa a buya iti isisingising ti init] |
Lugar a Naikari
ni Rudy Ram. Rumbaoa
[nasurat Abril 1, 2011]
Naladaw nga apagsipasip, ngem kailiwka
adayo a lugar papanak, adayo iti pagtaengan;
awan mabalinak ngem masapul nga aramidek
saanak nga agbayag ket agsubliakto't mabiit
Kasla di agpatingga dagiti aldaw nga aglabas
ken dagiti naulimek a rabii ti eternidad,
ngem ammok a makikammayet iti kamaudianan
ti panangiturong kaniak ti silaw ti gasat
Ket ti kanito a yuumay dayta nga aldaw
ti rikna, ti ayat addanto sadiay,
ken awan makapagel, makatubeng;
awan ti sabali nga agtagikua iti ayat a nabukel
Ti nasam-it, nasam-it nga agekmo
ken ti nalamuyot a bibigmo,
wen, yarakup dagiti takiagko;
iti lubong, sagrapenta ni ragsak
Adayo iti daytoy a lubong a no sadino
iti lugar a di madanon, naulimek;
lugar a naikari a para kenka ken siak
iti sabali a disso a dita pay napanan.
[copyright by rudy ram. rumbaoa]
No comments:
Post a Comment