Taraon ti Biag...

Nasantoan a Mabasa:

Abril 11, 2011 [Lunes]Joshua 3
Joshua 4
San Lucas 14: 7-35

Abril 12, 2011 [Martes]
Joshua 5
Joshua 6
Joshua 7: 1-15
San Lucas 15

Abril 13, 2011 [Mierkules]
Joshua 7: 16-26
Joshua 8
Joshua 9: 1-2

Abril 14, 2011 [Huebes]
Joshua 9:3-27
Joshua 10
San Lucas 16: 19-31
San Lucas 17: 1-10

Abril 15, 2011 [Biernes]
Joshua 11
Joshua 12
San Lucas 17: 11-37

Abril 16, 2011 [Sabado]
Joshua 13
Joshua 14
San Lucas 18: 1-17

Nasantoan a Mabasa Ita nga Aldaw, Abril 17, 2011 [Domingo]
Joshua 15
San Lucas 18:18-43

 

Ti Nabaknang a Tao
[Mat 19: 16-30; Mar 10: 17-31]

Nagsaludsod ken Jesus ti maysa a panguloen a Judio, 

"Naimbag a Maestro," kinunana, "ania ti aramidek tapno 

magun-odko ti biag nga agnanayon?'

"Apay nga awagannak iti naimbag?" kinuna ni Jesus. 

"Awan ti naimbag no di laeng ti Dios. Ammom dagiti bilbilin: 

DIka makikamalala; dika mamapatay;dika agtakaw; 

dika agsaksiiti ulbod; agraemka kadagiti nagannak kenka."

"Sipud pay idi ubingak, tinungtungpalko amin dagitoy a bilin," 

insungbat ti lalaki.

Idi mangngeg ni Jesus daytoy kinunana, 

"Adda pay maysa a pagkurangam. Ilakom amin a sanikuam. 

Itedmo kadagiti napanglaw ti paglakoam, ket addanto
kinabaknangmo sadi langit. Kalpasanna, umayka sumurot kaniak."

Ngem nagladingit ti tao idi mangngegna daytoy, ta nakabakbaknang.

Nakita ni Jesus ti liday ti baknang. "Nagrigat ketdin a sumrek 

dagiti nabaknang iti Pagarian ti Dios!" kinunana. 

"Nalaklaka ti ilulusot ti maysa a kamelio iti abut
ti dagum ngem ti iseserrek ti baknang iti Pagarian ti Dios."

Nangngeg dagiti tattao ti kinuna ni Jesus. 

"Siasino ngaruden ti maisalakan?" sinaludsodda.

"Ti saan a mabalin kadagiti tattao, mabalin iti Dios," insungbat ni Jesus.

Kinuna ngarud ni Pedro, "Adtoy, binaybay-anmi dagiti balbalaymi 

ket simmurotkami kenka."

"Wen," kinuna ni Jesus kadakuada, 

"ibagak daytoy kadakayo: Ti siasinoman a nangpanaw ti balay, 

asawa a babai, kabsat a lalaki, nagannak wenno
annakna gapu iti Pagarian ti Dios, ad-adunto nga adayo ti 

awatenna ditoy a biag , ket iti masakbayan, biag nga agnanayon."

 

 Maikatlo a Panangipakaammo ni Jesus iti Ipapatay ken Panagungarna
[Mat 20: 17-19; Mar 10: 32-34]

Inyadayo ni Jesus dagiti sangapulo ket dua nga adalan. "Denggenyo,"  

kinunana kadakuada. "Sumang-attayo idiay Jerusalem, ket matungpalto
sadiay ti amin nga insurusurat dagiti profeta maipapan iti Anak ti Tao. 

Mayawatto kadagiti Gentil a mangang-angaw ken mangtuptupranto kenkuana.
Sapliten ken papatayendanto, ngem agungarto iti maikatlo nga aldaw."
Awan a pulos kadagitoy ti naawatan dagiti adalan, 

nailinged kadakuada ti kaipapanan dagiti balikasna, ket dida ammo 

ti sasawen ni Jesus.

[paimbagen ni Jesus ti bulsek]

Paimbagen ni Jesus ti Bulsek nga Agpalpalama
[Mat 20: 29-34; Mar 10: 46-52]

Idi umas-asideg ni Jesus idiay Jerico, adda maysa a bulsek 

nga agtugtugaw iti igid ti dalan ket makipalpalama. Nangngegna dagiti tattao nga aglabas ket sinaludsodna. "Ania ti maar-aramid?"

"Lumabas ni Jesus a taga-Nazaret," kinunada kenkuana.

Iti kasta, impukkaw ti bulsek," Jesus nga Anak ni David! Kaasiannak kadi!"

Inungtan dagiti magmagna iti sanguanan ket imbagada kenkuana nga agulimek. Ngem inyad-addana ketdi ti nangipukkaw, "Anak ni David, kaasiannak
kadi!"

Nagsardeng ngarud ni Jesus ket imbilinna nga iyasidegda kenkuana ti bulsek.

Idi nayasidegen, sinaludsod ni Jesus kenkuana, "Ania ti kayatmo nga
aramidek kenka?"

"Apo," kinuna ti bulsek, "makakitaak koma."

"Makakitakan!" insungbat ni Jesus. "Ti pammatim ti nangpaimbag kenka."

Dagus a makakita ti bulsek; simmurot ken Jesus ket indaydayawna ti Dios. 

Idi makita dagiti tattao ti napasamak, indaydayawda met ti Dios.