Luktam

[nabulod ti ladawan a naaramat]

LUKTAM
ni Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
[nasurat.4.15.2012/Maui]

 

Luktam ti ridaw, Biagko,
Bumangonka ket luktam ti ridaw
Ti kararuak mapukpukawnat' regget
Nga agbiag ken mariknanat' apges
A mabutbuteng kadagiti annak ni Edmundo
A nagang-angawanda dagiti sanikuak.

Iti puso ti anakna a lalaki
Ket nalaus ti dina panagayat
Ken dimmakkel a matapobre,
Amin dagitoy gapu iti panagibit
Ni Juan iti pananglussokna ti tangatang
A nagpangato a nakadanonanna ti trono.

Iti pannakaidalebko, napardas ti kigaw
Nga asno a pumatay iti panangsurotna
Ti panagtayabko manipud kadagiti korte
Ti rabii iti disso ken asideg
A nakatumekan ti bula a nagiddaak.

Ngem kitaem, napuskol ti panagdekket
Ti gasat uray no nakaro ti ladingit
Dagiti aldaw nga umay; makatulong
Ngem yegna ti ut-ot kaniak
Nga uray asino awan ti makailawlawag:
Ta siak, ti bagik, maysaak nga umel...

[copyright.by.rudy.ram.rumbaoa/april.2012.maui]