Ti Pangngarig Maipapan iti Balo a Babai ken iti Hues

Nasantoan a Mabasa:
Abril 9-15, 2012

 

Abril 9, 2012 [Lunes]
Maika-100 nga Aldaw
Deuteronomy 34
Joshua 1
Joshua 2
San Lucas 13: 22-35
San Lucas 14: 1-6
Salmo 79: 1-13
Proverbs 12: 26

Abril 10, 2012 [Martes]
Maika-101 nga Aldaw
Joshua 3
Joshua 4
San Lucas 14: 7-35
Salmo 80: 1-19
Proverbs 12: 27-28

Abril 11, 2012 [Mierkules]
Maika-102 nga Aldaw
Joshua 5
Joshua 6
Joshua 7: 1-15
San Lucas 15
Salmo 81: 1-16
Proverbs 13: 1

Abril 12, 2012 [Huebes]
Maika-103 nga Aldaw
Joshua 7: 16-26
Joshua 8
Joshua 9: 1-2
San Lucas 16: 1-18
Salmo 82: 1-8
Proverbs 13: 2-3

Abril 13, 2012 [Biernes]
Maika-104 nga Aldaw
Joshua 9: 3-27
Joshua 10
San Lucas 16: 19-31
San Lucas 17: 1-10
Salmo 83: 1-18
Proverbs 13: 4

Abril 14, 2012 [Sabado]
Maika-105 nga Aldaw
Joshua 11
Joshua 12
San Lucas 17: 11-37
Salmo 84: 1-12
Proverbs 13: 5-6

Nasantoan a Mabasa Ita nga Aldaw, Abril 14, 2012 [Domingo] iti Maika-106 nga Aldaw
Joshua 13
Joshua 14
San Lucas 18: 1-17 

[nabulod ti ladawan a naaramat]

 Ti Pangngarig maipapan iti Balo a Babai ken iti Hues
-Sinarita ni Jesus kadakuada daytoy  a pangngarig tapno isurnona ida a masapul nga agkararag a kanayon ken dida pukawen ti namnamada.

"Adda idi maysa a hues iti maysa nga ili," kinuna ni Jesus."Saan nga agbuteng iti DFios ken dina met padayawan ti siasinoman a tao.

Adda met maysa a balo a babai iti dayta met laeng nga ili. Masansan a mapan iti hues a kunkunana, "Tulongannak kadi a mangtunton iti kalintegak iti kabusorko!"

Nabayag a di inkaskaso ti hues, ngem kamaudiananna, kinunana iti bagina, 'Diak agbuteng iti Dios  ken diak ikankano dagiti tattao, ngem gapu ta maumaakon a singsingaen daytoy a balo, itedkon ti dawdawatenna. Ta no saan, dinakto sardengan a ringringgoren ket maibuston ti anusko.'

Intuloy ti Apo: "Nangngegyo ti kinuna ti dakes a hues? Ket ti Dios, dinanto aya tulongan dagiti tattaona nga umas-asug kenkuana iti aldaw ken rabii?Dinanto kadi dardarasen ti tumulong  kadakuada? Ibagak kadakayo a dagdagusennanto nga ited ti kalinteganda. Ngem inton umay ti Anak ti Tao, addanto ngata masarakanna a pammati ditoy daga?"

Ti Pangngarig maipapan iti Fariseo ken iti Agsingsingir iti Buis
-Sinarita pay ni Jesus daytoy a pangngarig kadagiti tattao a mangitangtangsit iti kinaimbagda ken manguy-uyaw iti sabsabali.

"Adda dua a lallaki a napan nagkararag sadiay Templo: maysa ti Fariseo, maysa ti agsingsingir iti buis.

Nagtakder ti Fariseo iti adayo bassit ket nagkararag a kinunana, 'Agymanak kenka, O Dios, ta saanak a kas kadagiti dadduma a naagum, naulbod wenno makikamkamalala. Agyamanak met ta saanak a kas iti daytoy nga agsingsingir iti buis. Maminduaak nga agayunar iti tunggal lawas, ket itedko ti apagkapullo ti amin a masapulak.'

Ngem nagtakder iti adayo ti agsingsingir iti buis ket dina pay itangad dagiti matana sadi langit. Dinanogdanogna ketdi ti barukongna ket kinunkunana, 'O Dios, kaasiannak kadi a managbasol!'

"Ibagagak kadakayo," kinuna ni Jesus, "nagawid ti agsingsingir iti buis a napalinteg iti sangoanan ti Dios, ngem ti Fariseo, saan a napalinteg. Ta ti mangitantan-ok iti bagina met laeng, maipababanto; ngem ti mangipababa ti bagina, maitan-okto."

Bendisionan ni Jesus dagiti Ubbing
[Mat 19: 13-15; Mar 10: 13-16]
-Adda sumagmamano a tao a nangyeg kadagiti ubbingda ken Jesus tapno ipatayna ti imana kadakuada. Nakita dagiti adalan ket inungtanda ida.

Ngem inayaban ni Jesus dagiti ubbing. "Palubosanyo dagiti ubbing nga umay kaniak," kinunana. "Diyo paritan ida, ta dagiti kas kadakuada ti agtagikua iti Pagarian ti Dios. Laglagipenyo a dinto makastrek iti Pagarian ti Dios ti siasinoman a di umawat iti daytoy a pagarian a kas iti panangawat ti maysa nga ubing."

Salmo 85: 1-13
Proverbs 13: 7-8