Maibukbok ti Bangbanglo ken Jesus idiay Betania

Nasantoan a Mabasa:
Mayo14-20, 2012

Mayo 14, 2012 [Lunes]
Maika-135 iti 365 nga Aldaw ti Tawen
1 Samuel 17
1 Samuel 18: 1-4
San Juan 8: 21-30
Salmo 111: 1-10
Proverbs 15: 11

Mayo 15, 2012 [Martes]
Maika-136 iti 365 nga Aldaw ti Tawen
1 Samuel 18: 5-30
1 Samuel 19
San Juan 8: 31-59
Salmo 112: 1-10
Proverbs 15: 12-14

Mayo 16, 2012 [Mierkules]
Maika-137 iti 365 nga Aldaw ti Tawen
1 Samuel 20
1 Samuel 21
San Juan 9
Salmo 113
Salmo 114: 1-8
Proverbs 15: 15-17

Mayo 17, 2012 [Huebes]
Maika-138 iti 365 nga Aldaw ti Tawen
1 Samuel 22
1 Samuel 23
San Juan 10: 1-21
Salmo 115: 1-21
Proverbs 15: 18-19

Mayo 18, 2012 [Biernes]
Maika-138 iti 365 nga Aldaw ti Tawen
1 Samuel 24
1 Samuel 25
San Juuan 10: 22-42
Salmo 116: 1-19
Proverbs 15: 20-21

Mayo 19, 2012 [Sabado]
Maika-139 iti 365 nga Aldaw ti Tawen
1 Samuel 26
1 Samuel 27
1 Samuel 28
San Juan 11: 1-54
Salmo 117: 1-2
Proverbs 15: 22-23

Nasantoan a Mabasa, Mayo 20, 2012 [Domingo]
Maika-140 iti 365 nga Aldaw ti Tawen
1 Samuel 29
1 Samuel 30
1 Samuel 31
San Juan 11: 55-57
San Juan 12: 1-19

[nabulod laeng ti  ladawan a naaramat]

 
Maibukbok ti Bangbanglo ken Jesus idiay Betania
[Mar 26: 6-13; Mar 14: 3-9]
-Innem nga aldaw sakbay ti Fiesta ti Paskua idi mapan ni Jesus idiay Betania nga ili ni Lazaro, daydi lalaki a pinagungarna.

Insaganaanda sadiay iti pangrabii. Nagserbi ni Maria ket maysa ni Lazaro a nakisango ken Jesus iti panganan.

Iti saan a mabayag, nangala ni Maria iti sangabotelia a bangbanglo a nangina a naaramid iti pasi a nardo. Imbukbokna kadagiti saksaka ni Jesus sana pinunasan iti buokna. Napno ti intero a balay iti ayamuom ti bangbanglo.

Ngem nagsao ni Judas Iscariote [ti mangliputto kenkuana], maysa kadagiti adalan ni Jesus. "Apay a di nailako daytoy a bangbanglo iti tallogasut a pisos a maited koma kadagiti napanglaw?" kinunana. Sinaona daytoy, saan a gapu ta isakitna dagiti napanglaw, no di ket gapu ta mannanakaw; ken agsipud ta isu ti agig-iggem iti kuarta, mabalinna la ti mangala.

Ngem kinuna ni Jesus, "Palubosam! Bay-am ta aramidenna daytoy a maipaay iti aldaw a pannakaitanemko. Kankanayon nga adda dagiti napanglaw iti dennayo, ngem saan a kankanayon nga addaak iti arpadyo."

Isikatda a Patayen ni Lazaro
-Adu kadagiti Judio ti nakadamag nga adda ni Jesus idiay Betania. Iti kasta, napanda sadiay, saan laeng a gapu ken Jesus, no di pay ket tapno kitaenda ni Lazaro a pinagungarna.

Isu't gapuna a nagtutulag dagiti panguloen a papadi a papatayenda met ni Lazaro. Ta gapu kenkuana, adu kadagiti Judio ti simmina kadagiti panguloda ket namatida ken Jesus.

Ti Sibaballigi nga Iseserrek ni Jesus idiay Jerusalem
[Mat 21: 1-11; Mar 11: 1-11;Luc 19: 28-40]
-Iti sumuno nga aldaw, nadamag dagiti adu a tattao a napan nakipaskua a sumungsungand ni Jesus idiay Jerusalem. Iti kasta, nangalada kadagiti sangsanga ti palma ket napanada simmabat kenkuana. "Madaydayaw ti Dios!" impukpukkawda. "Bendisionan koma ti Dios ti Ari ti Israel!"

Nakasarak ni Jesus iti urbon nga asno ket nagsakayanna, kas kuna ti Nasantoan a Surat:

    Dika agbuteng, siudad ti Sion!
    Ita, umayen kenka ti Arim,
    A sisasakay iti urbon ti asno."

Iti dayta a kanito, saan a naawatan dagiti adalanna ti kaipapanan daytoy, ngem idi naitan-oken ni Jesus, nalagipda a naisurat ti kasta maipapan kenkuana ket naaramid daytoy kenkuana.

Dagidi tattao a nakaimatang ken Jesus idi awaganna ni Lazaro iti tanem ket pinagungarna, impadamagda ti napasamak. Dayta ti gapuna nga adu a tattao ti napan simmabat kenkuana, agsipud ta nadamagda nga inaramidna daytoy nakakaskasdaaw a pagilasinan.

Isu't gapuna a kinunkuna dagiti Fariseo, "Makitayo, awan ti maaramidtayo! Kitaenyo, sumursurot kenkunana ti sangalubongan!"

Salmo 118: 1-18
Proverbs 15: 24-26