Napili a Daniw Ita a Lawas
 |
| [nabulod laeng ti ladawan a naaramat iti daniw] |
MALAGLAGIPKANTO LATTA
ni Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
ni Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
[nasurat.6.2.11/maui]
Gapu kenka, agsampaga dagiti sabong
iti hardin, a kaniak, agpampanaas manipud
iti russuak ti ayamuom.
Nalipatak kadin ti rupa,
wenno diak malagip dagiti ima;
kasano a marikna ti bibigmo ti bibigko?
wenno diak malagip dagiti ima;
kasano a marikna ti bibigmo ti bibigko?
Ngem gapu kenka,
paggaayatko dagiti mayepyepyep
paggaayatko dagiti mayepyepyep
a napudaw a rebulto iti parke,
dagiti rebulto a saan a makatimek
dagiti rebulto a saan a makatimek
wenno makakita.
Nalipatakon ti timekmo, ti narag-o a boses;
uray dagiti nalanay a matam, nalipatakon.
uray dagiti nalanay a matam, nalipatakon.
Kas iti sabong nga agayamuom ti banglona,
adtoyak, kiddawek a malawagan ti nakusnaw
a lagipko kenka. Agbibiagak iti panaas
kas iti maysa a sugat; a no sagidennak,
saanen a mabalin nga
agsubli
iti dati a langa ta nalpasnak a sinaktan.
iti dati a langa ta nalpasnak a sinaktan.
Kupkupikopannak dagiti aprosmo,
kas iti panagkarayam dagiti lanut iti pader.
kas iti panagkarayam dagiti lanut iti pader.
Nalipatak payen ti ayat, ketdi,
kasla mabuybuyaka ti apagapaman
iti tunggal tawa a pagtamdagak,
iti tunggal tawa a pagtamdagak,
Ngem gapu kenka, agayamuom kaniak
ti panaas-kalgaw; manen, tagtagi-urayek
dagiti pagilasinan tapno agbunga
dagitoy a tarigagay: kas iti panaglabas
dagitoy a tarigagay: kas iti panaglabas
ti layap iti tangatang, banag koma
nga agtennag kadagiti dakulap.
nga agtennag kadagiti dakulap.
[copyright june 2011 by rudyram.rumbaoa]
No comments:
Post a Comment