Ikalintegan ni Pablo ti Panagserbina

Nasantoan a Mabasa:
Setiembre 2-8, 2013

Setiembre 2, 2013 [Lunes]
Maika-245 iti 365 nga Aldaw ti Tawen
Eklesiastes 1
Eklesiastes 2
Eklesiastes 3
2 Corinto 6: 1-13
Salmo 46: 1-11
Proverbio 22: 15

Setiembre 3, 2013 [Martes]
Maika-246 iti 365 nga Aldaw ti Tawen
Eklesiastes 4
Eklesiastes 5
Eklesiastes 6
2 Corinto 6: 14-18
2 Corinto 7: 1-7
Salmo 47: 1-9
Proverbio 22:16

Setiembre 4, 2013 [Mierkules]
Maika-247 iti 365 nga Aldaw ti Tawen
Eklesiastes 7
Eklesiastes 8
Eklesiastes 9
2 Corinto 7: 8-16
Salmo 48: 1-14
Proverbio 22: 17-19

Setiembre 5, 2013 [Huebes]
Maika-248 iti 365 nga Aldaw ti Tawen
Eklesiastes 10
Eklesiastes 11
Eklesiastes 12
2 Corinto 8: 1-15
Salmo 49: 1-20
Proverbio 22: 20-21

Setiembre 6, 2013 [Biernes]
Maika-249 iti 365 nga Aldaw ti Tawen
Kanta Dagiti Kanta 1
Kanta Dagiti Kanta 2
Kanta Dagiti Kanta 3
Kanta Dagiti Kanta 4
2 Corinto 8: 16-24
Salmo 50: 1-23
Proverbio 22:22-23

Setiembre 7, 2013 [Sabado]
Maika-250 iti 365 nga Aldaw ti Tawen
Kanta Dagiti Kanta 5
Kanta Dagiti Kanta 6
Kanta Dagiti Kanta 7
Kanta Dagiti Kanta 8
2 Corinto 9
Salmo 51: 1-19
Proverbio 22: 24-25

Nasantoan a Mabasa Ita nga Aldaw, Setiembre 8, 2013 [Domingo]
Maika-251 iti 365 nga Aldaw ti Tawen
Isaias 1
Isaias 2
2 Corinto 10

[Nabulod laeng ti ladawan a naaramat]

Ikalintegan ni Pablo ti Panagserbina
-Siak ni Pablo. Siak a mismo ti agdawat kadakayo. Naalumamay ken napakumbabaak no addaak iti dennayo, ngem naturedak no adayoak. Yunay-unayko gapu iti kinaemma ken kinamanangngaasi ni Cristo a diak piliten nga agturedkayo no umayak. Ta kapnekak a mabalinko ti agtured kadagiti agkunkuna nga agtignaykami gapu iti nailubongan a tarigagay. Agpayso nga addakami ditoy lubong, ngem dikam makibakal gapu iti nailubongan a panggep. Saan a dagiti igam ti lubong ti aramatenmi a pakidangadang. Usarenmi ketdi dagiti nabileg nga armas ti Dios a pangrebba kadagiti sarikedked. Dadaelenmi dagiti ulbod a pannakisuppiat. Ikkatenmi amin a kinatangsit a makalapped iti pannakaammo iti Dios. Kayawanmi amin a panunot tapno agtungpalda ken Cristo. Ket kalpasan ti pannakapnekyo iti naan-anay a kinatulnogyo, sisasaganakamto a mangdusa iti amin a kinasukir.

Kitkitaenyo dagiti banag kas makitayo iti ruar. Adda kadi dita ti siasinoman a mangipagarup iti bagina a tao ni Cristo? No adda, utobenna manen ti kinasiasinona, ta tattaokami met ken Cristo a kas kenkuana. Ta saanak a mabain, uray no nalabes ti panangipasindayagko iti turay nga inted ti Apo kadakami- turay a mangpatanor kadakayo, saan a mangdadael. Diyo ipagarup a butbutngenkayo kadagiti suratko. Addanto agkuna, "Nauyong ken nagubsang dagiti surat ni Pablo ngem no isu a mismo ti adda kadatayo, nakapsut awan kaipapanan dagiti saona!" Nasken a maawatan ti kasta a tao nga awan giddiat dagiti isuratmi no adayokami kadagiti aramidenmi no addakami iti dennayo.

Ta saankami nga agtured a mangibilang wenno mangipada iti bagimi kadagiti mangidaydayaw iti bagida. Magnengnengdan! Agaramidda iti bukodda a pagrukodan a pangrukod iti mismo a bagida, ket ukomenda met laeng ti bagida iti daytoy! Nupay kasta iti biangmi, saankami nga aglablabes iti rumbeng a panagpasindayagmi. Maikanatadto iti trabaho nga intuding ti Dios nga aramidenmi. Mairaman ti trabahomi kadakayo.  Ket gapu ta addakayo iti masakupanyo daytoy, saankami a naglabes idi  immaykami kadakayo, idi inyegmi ti Naimbag a damag maipapan ken Cristo. Isu a saanmi nga ipasindayag ti trabaho nga inaramid dagiti dadduma iti labes ti intuding ti Dios kadakami. Ngem namnamaenmi ketdi a pumigsa ti pammatiyo, nga ad-adunto pay ti maaramidmi iti dennayo, ket kankanayon nga adda iti sakup nga inted ti Dios. Iti kasta, mabalinminto nga ikasaba ti Naimbag a Damag kadagiti dadduma a pagilian nga adayo kadakayo. Saan a masapul a pagpanakkelmi ti trabaho a naaramiden iti sakup ti sabali a tao.

Ngem kas kuna ti Nasantoan a Surat, "Siasinoman nga agpasindayag, ipasindayagna koma ti inaramid ti Apo." Ta saan a ti tao a nanganamong iti bagina ti pudno a naanamongan, no di ket ti tao nga inanamongan ti Apo.


Salmo 52: 1-9
Proverbio 22: 26-27