Dagiti Pagrebbengan kadagiti Mamati

Nasantoan a Mabasa:
Oktubre 14-20, 2013

Oktubre 14, 2013 [Lunes]
Maika-287 iti 365 nga Aldaw ti Tawen
Jeremiah 23: 21-40
Jeremiah 24
Jeremiah 25
2 Tesalonica 2
Salmo 84: 1-12
Proverbio 25: 15

Oktubre 15, 2013 [Martes]
Maika-288 iti 365 nga Aldaw ti Tawen
Jeremiah 26
Jeremiah 27
2 Tesalonica 3
Salmo 85: 1-13
Proverbio 25: 16

Oktubre 16, 2013 [Mierkules]
Maika-289 iti 365 nga Aldaw ti Tawen
Jeremiah 28
Jeremiah 29
1 Timoteo 1
Salmo 86: 1-17
Proverbio 25: 17

Oktubre 17, 2013 [Huebes]
Maika-290 iti 365 nga Aldaw ti Tawen
Jeremiah 30
Jeremiah 31: 1-26
1 Timoteo 2
Salmo 87: 1-7
Proverbio 25: 18-19

Oktubre 18, 2013 [Biernes]
Maika-291 iti 365 nga Aldaw ti Tawen
Jeremiah 31: 27-40
Jeremiah 32
1 Timoteo 3
Salmo 88: 1-18
Proverbio 25: 20-22

Oktubre 19, 2013 [Sabado]
Maika-292 iti 365 nga Aldaw ti Tawen
Jeremiah 33
Jeremiah 34
1 Timoteo 4
Salmo 89: 1-13
Proverbio 25: 23-24

Nasantoan a Mabasa Ita nga Aldaw, Oktubre 20, 2013 [Domingo]
Maika-293 iti 365 nga Aldaw ti Tawen
Jeremiah 35
Jeremiah 36
1 Timoteo 5

[Nabulod laeng ti ladawan a naaramat]

Dagiti Pagrebbengan kadagiti Mamati
-Dimo ungtan ti laklakay ngem sika. Kasaom ketdi a kasla isu ti amam. Iti amin a kinadalus, ibilnagmo a kasmo la kabsat dagiti lallaki nga ub-ubing ngem sika, a kasmo la ina dagiti babbaket; ken kasmo la kabsat dagiti babbai nga ub-ubing ngem sika.

Tulongam dagiti babbai a balo a pudno a makasapul iti tulong. Ngem no adda annak wenno appoko ti maysa a balo, masapul a sursuroenda nga umuna dagiti pagrebbenganda iti pamilia tapno makasubadda kadagiti nagannak kadakuada ken appoda, agsipud ta daytoy ti makaay-ayo iti Dios. Ti pudno a balo nga agbibiag nga agmaymaysa, intaleknnan ti namnamana iti Dios ket aldaw-rabii nga agrarag ken agdfawat kenkuana iti tulong. Ngem ti balo nga agbibiag iti nainlubongan a ragsak, maibilang a natayen, uray no sibibiag. Ibilinmo daytoy kadakuada tapno awan ti pakababalawanda. Ngem no adda saan a mangibibiang iti kasapulan dagiti kabagianna, nangruna dagiti kameng ti pamiliana,  tinallikudannan ti pammati, ket dakdakes pay ngem ti saan a mamati.

Iti listaan dagiti balo, dagiti laeng innem a pulo wenno nasursurok pay ti tawenna ti mailista. Naminsan la a nakiasawa, ket agdindinamag kadagiti naimbag nga aramidna, kas iti nasayaat a panangpadakkelna kadagiti annakna, nagpadagus kadagiti gangannaet. binuggoanna ti saka dagiti tattao ti Dios, tinulonganna dagiti agsagsagaba ken impamaysana ti nagaramid iti amin a kita iti naimbag nga aramid.

Ngem dimo ilista dagiti ub-ubing a balo, agsipud ta no dida magawidan ti riknada ket kayatda manen ti makiasawa, tallikudanda ni Cristo, ket makabasolda iti saanda a panangtungpal iti umuna a karida kenuana. Daddaelemda pay ti tiempoda a mamalaybalay. Saan la a dayta, masursuroda pay ti agbalin a manarsarita ken mannakibiang, a sawenda dagiti banag a di rumbeng a saritaen. Isu a kaykayatko a makiasawada, aganakda, asikasoenda ti balayda tapno awan ti pangbabalawan kadatayo dagiti kabusor. Ta nayaw-awanen ti sumagmamano a balo ket simmurotda ken ni Satanas. Ngem ti siasinoman a mamati a babai nga adda balo a babbai iti pamiliana, masapul a taripatoenna ida ket dina ipabaklay daytoy iti iglesia tapno matulongan ti igelsia dagiti pudno a balo..

Mamindua koma ti tangdan dagiti panglakayen a naimbag ti panagpanguloda, nangruna dagiti mangipasnek a mangasaba ken mangisuro. Ta kuna ti Nasantoan a Surat: "Dimo busalan ti baka a madama nga agir-irik," ken "Rebbengna a matangdanan ti agtrabaho." Dimo denggen ti pammabasol a maibusor iti maysa a panglakayen, malaksid no idatag ti dua wenno tallo a saksi. Babalawem iti publiko ti amin nga agbasol tapno mapabutnga.

Iti imatang ti Dios ken ni Cristo Jesus ken dagiti nasantoan nga anghelesna, yunay-unayko a tungpalem dagitoy a pammagbaga, nga awan ti idumdumam. Dika agganat a mangipatay  iti imam iti siasinoman para iti panagserbi iti Apo. Dika makiraman iti basol dagiti sabali. Agtalinaedka a nadalus.

Saan la a danum ti inumem, ngem gapu iti tianmo ken ti masansan a panagsakitmo, uminumka met iti sangkabassit nga arak.

Dagiti basol ti sumagmamano a tao nga agturong iti pannakaukom, nalawagda a makit, ngem dagiti basol ti dadduma, agparangda kalpasanna. Kasta met a nalawag a makita dagiti naimbag nga aramid, ngem uray no saanda a makita ita, saanda a mailemmeng iti agnanayon.

Salmo 89: 14-37
Proverbio 25: 25-27