Ti Napudno a Soldado ni Cristo Jesus

Nasantoan a Mabasa:
Oktubre 21-27, 2013

Oktubre 21, 2013 [Lunes]
Maika-294 iti 365 nga Aldaw ti Tawen
Jeremiah 37
Jeremiah 38
1 Timoteo 6
Salmo 89: 38-52
Proverbio 25: 28

Oktubre 22, 2013 [Martes]
Maika-295 iti 365 nga Aldaw ti Tawen
Jeremiah 39
Jeremiah 40
Jeremiah 41
2 Timoteo 1
Salmo 90
Salmo 91: 1-16
Proverbio 26: 1-2

Oktubre 23, 2013 [Mierkules]
Maika-296 iti 365 nga Aldaw ti Tawen
Jeremiah 42
Jeremiah 43
Jeremiah 44: 1-23
2 Timoteo 2: 1-21
Salmo 92
Salmo 93: 1-5
Proverbio 26: 3-5

Oktubre 24, 2013 [Huebes]
Maika-297 iti 365 nga Aldaw ti Tawen
Jeremiah 44: 24-30
Jeremiah 45
Jeremiah 46
Jeremiah 47
2 Timoteo 2: 22-26
2 Timoteo 3
Salmo 94: 1-23
Proverbio 26: 6-8

Oktubre 25, 2013 [Biernes]
Maika-298 iti 365 nga Aldaw ti Tawen
Jeremiah 48
Jeremiah 49: 1-22
2 Timoteo 4
Salmo 95
Salmo 96: 1-13
Proverbio 26: 9-12

Oktubre 26, 2013 [Sabado]
Maika-299 iti 365 nga Aldaw ti Tawen
Jeremiah 49: 23-39
Jeremiah 50
Tito 1
Salmo 97
Salmo 98: 1-9
Proverbio 26: 13-16

Nasantoan a Mabasa Ita nga Aldaw, Oktubre 27, 2013 [Domingo]
Maika-300 iti 365 nga Aldaw ti Tawen
Jeremiah 51: 1-53
Tito 2

[Nabulod laeng ti ladawan a naaramat]

Ti Napudno a Soldado ni Cristo Jesus
-No maipapan kenka, anakko, bumilegka koma babaen ti parabur a kukuayo iti pannakipagmaymaysatayo ken Cristo Jesus. Ikumitmo kadagiti tattao a mapagtalkan dagiti nangngegmo nga inkasabak iti sangngoanan ti adu a saksi. Isudanto met ti mangisuro kadagiti sabali.

Makipagbasagabaka a kas napudno a soldado ni Cristo Jesus. Ti soldado nga adda iti serbisio, tarigagayanna a maay-ayo kenkuana ti ofisialna. iti kasta, adaywanna dagiti inaldaw a parikut ti biag ti sibilian. Ti makilumba,  saanna a magun-od ti premio malaksid no surotenna ti pagannurotan ti salisal. Ti naanep nga agtaltalon, masapul nga isu ti umuna nga aglak-am iti bunga ti nagbannoganna. Amirisem ti sasawek agsipud ta ikkannakanto ti Apo iti pannakaawat iti amin a banag.

Lagipem ni Jesu-Cristo  a napagungar, isu a nagtaud iti kaputotan ni david. Daytoy ti mensahe ti Naimbag a Damag, agsagabaak ket makawaranak pay a kas maysa a kriminal. Ngem saan a makawaran ti sao ti Dios. Isut gapuna nga ibturak ti amin gapu kadagiti napili a tattao ti Dios tapno awatendanto met ti pannakaisalakan nga adda ken Cristo Jesus, agraman ti agnanayon a gloria. Pudno daytoy a pagsasao:

"No nairamantayo kenuana a natay, kaduayonto met nga agbiag.
No makaibturtayo,  makipagturaytayto met kenkuana.
No kunatayo a saantayo nga am-ammo, kunananto met a dinatay am-ammo.
No pagtallikudantayo, agtalinaed latta a sipupudno,
Agsipud ta dina mabalin a pagtallikudan ti bagina."

Ti Maanamongan nga Agserserbi iti Dios
-Palagipam dagiti tattao, ket bilinem ida iti sangoanan ti Dios a dida pagsusupiatan dagiti sasao nga awan imbag nga ibungana, ngem dadaelenna laeng dagiti agdengngeg. Aramidem ti amin a kabaelam a manggung-od iti pananganamong ti Dios, kas maysa nga agtartrabaho a di mangibain iti gapuananna, a husto ti panangisurona iti mensahe ti kinapudno ti Dios. Liklikam dagiti saan a nadiosan a panagsasao ken minamaag a panagsusuppiat nga ad-adda a mangyadayo laeng kadagiti tattao iti Dios. Mayarig ti pannursuroda iti sakit a kanser nga agwaras ken mangdadael iti intero a bagi. Dua kadagitoy a maestro isuda Himeneo ken Fileto. Simmiasidan iti dalan ti kinapudno ket rirribukenda ti pammati dagiti dadduma babaen ti panagkunada a napasamaken ti panagungar.

Ngem insaad ti Dios ti natibker ken di magunggun a fondasion, ket nailanad iti daytoy a balikas: "Ammo ti Apo no siasino dagiti tattaona;" ken "Siasinoman nga agkuna nga isu kukua ti Apo, masapul nga adaywanna dagiti dakes nga aramid."

Iti dakkel a balay, adda amin a kita ti pinggan ken malukong. Adda naaramid iti pirak ken balitok; adda met kayo ken damili. Sumagmamano ti para iti naisangsangayan nga aldaw, ket ti dadduma, agpaay kadagiti kadawyan a pannakaaramat.

No adda mangdalus iti bagina kadagitoy dakes a bambanag, mausarto ti naisangsangayan a panggep, agsipud ta napudno ken naserbi iti Apona. Sisasagana nga agserbi iti amin a nasayaat a trabho. Adaywan ti rugso ti kinaagtutubo, ket ikagumaam a suroten ti kinalinteg, pammati, ayat ken talna. Makikaduaka kadagiti tao a nadalus ti pusona nga umaw-awag iti Apo. Ngem adaywan dagiti minamaag a panagsusuppiat nga agtaud iti kinaignorante ta ammom nga agtungpalda iti panagaapa. Masapul a saan a makiapa ti adipen ti Apo. Masapul a naasi iti amin a tao, nalaing ken naanus a maestro; nasingpet ken naannad a mangpatigmaan kadagiti kabusorna, bareng ikkanto ida ti Dios iti gundaway nga agbabawi ket maammuanda ti pudno. Iti kasta, agsublida iti nasayaat a panunotda ket makalusotda iti palab-og ti Diablo a nangtiliw kadakuada tapno aramidenda ti pagayatanna.

Salmo 99: 1-9
Proverbio 26: 17