Paimbagen ni Jesus ti Maysa a Paralitiko

Nasantoan a Mabasa:
Enero 6- 12, 2014

Enero 6, 2014 [Lunes]
Maika-6 iti 365 nga Aldaw ti Tawen
Genesis 13: 5-18
Genesis 14
Genesis 15
Mateo 5: 27-48
Salmo 6: 1-10
Proverbio 1: 29-33

Enero 7, 2014 [Martes]
Maika-7 iti 365 nga Aldaw ti Tawen
Genesis 16
Genesisi 17
Genesis 18: 1-15
Mateo 6: 1-24
Salmo 7: 1-17
Proverbio 2: 1-5

Enero 8, 2014 [Mierkules]
Maika-8 iti 365 nga Aldaw ti Tawen
Genesis 18: 16-33
Genesis 19
Mateo 6: 25-34
Mateo 7: 1-14
Salmo 8: 1-9
Proverbio 2: 6-15

Enero 9, 2014 [Huebes]
Maika-9 iti 365 nga Aldaw ti Tawen
Genesis 20
Genesis 21
Genesis 22
Mateo 7: 15-29
Salmo 9: 1-12
Proverbio 2: 16-22

Enero 10, 2014 [Biernes]
Maika-10 iti 365 nga Aldaw ti Tawen
Genesis 23
Genesis 24: 1-51
Mateo 8: 1-17
Salmo 9: 13-20
Proverbio 3: 1-6

Enero 11, 2014 [Sabado]
Maika-11 iti 365 nga Aldaw ti Tawen
Genesis 24: 52-67
Genesis 25
Genesis 16: 1-16
Mateo 8: 18-34
Salmo 10: 1-15
Proverbio 3: 7-8

Nasantoan a Mabasa Ita nga Aldaw, Enero 12, 2014 [Domingo]
Maika-12 iti 365 nga Aldaw ti Tawen
Genesis 26: 17-35
Genesis 27
Mateo 9: 1-17

[Nabulod laeng ti ladawan a naaramat]

Paimbagen ni Jesus ti Maysa a Paralitiko
[Mar 2: 1-12; Luc 5: 17-26]
-Limmugan ni Jesus iti bilog ket nagsubli iti ballasiw ti dan-aw. Dimteng iti ilina. Inyeg ti sumagmamano a tattao ken Jesus ti maysa a paralitiko a nakaidda iti papag. Nabigbigna ti kaadda ti pammatida ket kinunana iti paralitiko: "Mangnamnamaka, anakko. Napakawanen dagiti basbasolmo."

Iti kasta, kinuna ti sumagmamano a mamaestro iti Linteg iti nakemda. "Agsasao daytoy a tao iti maibusor iti Dios."

Agsipud ta ammo ni Jesus ti pampanunotenda, kinunana, "Apay nga agpampanunotkayo iti dakes? Ania ti nalaklaka a sawen, 'Napakawanen dagiti basbasolmo,' wenno, 'Bumangonka ket magnaka?' Paneknekak ngarud kadakayo a ti Anak ti Tao adda pannakabalinna ditoy daga a mamakawan kadagiti basbasol." Ket kinunana iti paralitiko, "Bumangonka, bagkatem ta iddam ket agawidkan."

Timmakeder ti paralitiko ket nagawid. Idi maimatangan dagiti tattao daytoy, nagbutengda ket indaydayawda ti Dios ta intedna ti kastoy a pannakabali kadagiti tattao.

Ayaban ni Jesus ni Mateo
[Mar 2: 13-17; Luc 5: 27-32]
-Pimmanaw ni Jesus iti dayta a lugar. Idi magmagna, nakitana ni Mateo, maysa nga agsingsingir iti buis. Agtugtugaw iti ofisinana. Kinuna ni Jesus kenkuana," Surotennak."

Timmakder ni Mateo ket simmurot kenkuana.

Idi magmagna ni Jesus idiay balayna, dimteng ti adu nga agsingsingir iti buis ken adu a managbasol. Nakisangoda kenkuana ken kadagiti adalanna iti panganan.

Nakita ti sumagmamano a Fariseo daytoy ket kinunada kadagiti adalanna, "Apay a makisango a mangan ti maestroyo kadagiti agsingsingir iti buis ken kadagiti managdakdakes?"

Nangngeg ni Jesus ida ket simmungbat: "Saan a dagiti nasalun-at ti makasapul iti mangngagas, no di ket dagiti masaksakit. Inkayo adalen ti kaipapanan daytoy a paset ti Nasantoan a Surat, 'Asi ti kalikagumak, saan a daton.' Diak immay a mamngayab kadagiti nalinteg, ngem immayak a mangayab kadagiti managbasol."

Ti Saludsod Maipapan iti Panagayunar
[Mar 2: 18-22; Luc 5: 33-39]
-Kalpasanna, napan ken Jesus dagiti pasurot ni Juan a Mammuniag ket sinaludsodda, "Apay a masansan nga agayunarkami kasata met dagiti Fariseo, ngem pulos a di agayunar dagiti adalam?"

"Agladingit kadi dagiti makiboda no adda ti nobio iti arpadda?" sinaludsod met ni Jesus. "Saan a mabalin. Ngem dumtengto ti tiempo a maipanaw ti nobio kadakuada; isunton ti panagayunarda.

Awan ti tao a mangitakup iti baro a lupot iti daan a pagan-anay, agsipud ta kumsen ti baro a lupot, lumawa ti pigis ti pagan-anay. Awan met ti mangikabil iti baro nga arak iti daan a supot a lalat. No maaramid ti kasta, bumtak ti supot, maibelleng ti arak, ket madadael pay ti lalat. Ikarga ketdi ti baro nga arak iti baro a supot a lalat ket agpadpadadanton a di maan-ano."

Salmo 10: 16-18
Proverbio 3: 9-10