[Nabulod ti ladawan a naaramat]
Sika ti paggapuan ti biag, ti pigsak, ti aramid, ti tiempo ken darikmat
Impariknam kaniak ditoy pusok ti ayat tapno punnoenna ti nagati a pammati.
Impaaymo ti raya ti namnama a sumalpot iti panunotko tapno kuldingenna lawaganna ti nakusnaw a panagkita dagiti matak iti kasta, makitak maimutektekak ti pudno a kaipapanan ti biag.
Dimo impalubos a sibbarotennak ti dakes tapno agkurno iti aramid a naindagaan a mabalin a pakailaw-anak.
Sika, O Apo, ti paggapuan ti biag-- Kenka ti pakasarakak ti pudno a ragsak,
Kenka ti ayat!
PAGGAPUAN TI BIAG Rudy Ram. Rumbaoa Dagiti Koleksion a Daniw, Sarita, Kanta ken Dadduma Pay wwwtaraontibiag.blogspot.com |
No comments:
Post a Comment