 |
| [Nabulod ti ladawan a naaramat] |
Ni Timoteo ken ni Epafrodito
Iti mabiit, ibaokonto kadakayo ni Timoteo, no ipalubos ni Apo Jesus, tapno maparegtaak a makadamag kadakayo. Is-isu laeng ti makipagrikna kaniak. Is-isu laeng ti napaypayso a mangisakit kadakayo. Ta awan ti sabali a birbiroken dagiti dadduma no saan la a ti bukodda a pagsayaatan, saan a ti maipaay ken ni Jesu-Cristo. Ammoyo ti kabaelan ni Timoteo, ta kaskami la agama a nagtrabaho maipuon iti ebanghelio. Namnamaek ngarud nga ibaon ni Timoteo kadakayo apaman a maammuak ti pagbanagak. Agtalekak iti Apo, nga iti saanen a mabayag, makaumayak met laengen kadakayo. Napanunotko a masapul a pagsubliekon kadakayo ni kabsattayo nga Epafrodito, maysa a katrabahoak ken kaduak a nakidangadang. Isu ti dinutokanyo nga agserbi a kas pannakabagiyo a tumulong kaniak. Mailiw a kumita kadakayo amin, ket madanagan unay agsipud ta nadamagyo kano a nagsakit. Agpayso a nagsakit ket nagistayan natay, ngem kinaasian ti Dios. Saan laeng nga isu ti kinaasian ti Dios, ngem uray pay siak, ta inlisinak iti dakdakkel a ladingit. Ad-adda ngarud ti gagarko a mangibaon ken ni Epafrodito tapno maragsakankayo a makakita manen kenkuana , ket mapukaw metten ti ladingitko. Awatenyo ngarud a sirarag-o a kas maysa a kabsat iti Apo, Ipakitatayo ti pammadayawtayo kadagiti amin a kas kenkuana, ta impustana ti biagna ket nagistayan natay gapu iti trabaho ni Cristo tapno maitedna kaniak ti tulong a saanyo a mabalin nga ited.
Ti Pudno a Kinalinteg
Kamaudiananna, kakabsatko, ikkannakayo koma ti Apo iti adu a rag-o. Diak rigaten nga uliten ti naisuratkon, agsipud ta palasalaknibanyo. Agannadkayo kadagiti tattao nga agaramid iti dakes; wen, kadagiti aso- tattao a mangipapilit iti pannakasugat ti bagi. Ta saan nga isuda ti pudno a nakugit. Datayo ti pudno a nakugit ta agdaydayawtayo iti Dios babaen ti Espirituna. Agrag-otayo iti biagtayo ken ni Cristo-Jesus ket saantayo nga agtalek kadagiti seremonia.
[source:wwwtaraontibiag.blogspot.com]
No comments:
Post a Comment