Tulongannak a dumgeg
tapno dumakkelak a nasikap.
Tulongannak a mangikabassit
kinaawan serserbik
ket agbalinak a managpakumbaba.
Tulongannak nga ipaababa ti pungtotko
tapno basbassit ti bumusor kaniak.
Tulongannak nga agbalin
a naasi ket agbalin
a mannakipagrikna 'toy pusok.
Tulongannak nga agbalin
a natured tapno diak
agbalin a managbutbuteng.
Tulongannak a mamakawan
tapno awan gura
wenno apal nga im-impenek.
Tulongannak nga agsursuro
nga agtalek tapno ti bagik
diak kasapulan a tenglen.
Tulongannak tapno saanak
a mangukom
ket agayatak a siwawaya.
Tulongannak nga agbiag iti agdama
tapno saanak nga agtaeng ti napalabas.
Tulongannak a mangbirok ti pammati
ket saanakton nga agmaymaysa...
.
.
.
.
.
.
TULONGANNAK
Rudy Ram. Rumbaoa
wwwtaraontibiag.blogspot.com
No comments:
Post a Comment