Napili a Daniw Ita a Lawas
 |
| [Nabulod laeng ti ladawan a naaramat iti daniw] |
Balitok nga Aldaw
ni Rudy Ram. Rumbaoa
[nasurat.11.21.2007/naadaw ti paulo ti daniw ni JRIC iti iluko.com]
Dakkel a banag ti impaay ti napalabas
Nagbalin a paset pakasaritaak ti biag
Naglalaok ditoy dagiti balligi-arapaap
Ken nakaupayak ngem naadalanak
Dinto ketdi aglumen dagiti pasamak
Addada laeng a naitalimeng kaunggak
Isudat' nagbalin a saksi ken ebidensiak
Kinaimbag a naaramidan ken pakalaglagipak
Napateg aldaw a naglabas ta yanninawda
Ti kinataok kas balitok nangina ti presiona
Ta pasetda nga agnanayon dinto magatadan
Ngem agserbi daytoy a tawid ti kaputotan
No maminsan, ipawil tiempo a mabukkaan
Balitok nga aldaw rumbeng nga aywanan
Ta ti kinaagnanayon saan met a pagsayaatan
No maaramat daytoy naglabas a pangguliban
[copyright (c) november 21, 2007 by rudy ram. rumbaoa]
No comments:
Post a Comment