Ti Pannakaliput ken Pannakatiliw ni Jesus

Nasantoan a Mabasa:
Pebrero 4-10, 2013

Pebrero 4, 2013 [Lunes]
Maika-35 iti 365 nga Aldaw ti Tawen
Exodus 19: 16-25
Exodus 20
Exodus 21: 1-21
Mateo 23: 13-39
Salmo 28: 1-9
Proverbio 7: 1-5

Pebrero 5, 2013 [Martes]
Maika-36 iti 365 nga Aldaw ti Tawen
Exodus 21: 22-36
Exodus 22
Exodus 23: 1-13
Mateo 24: 1-28
Salmo 29: 1-11
Proverbio 7: 6-23

Pebrero 6, 2013 [Mierkules]
Maika-37 iti 365 nga Aldaw ti Tawen
Exodus 23: 14-33
Exodus 24
Exodus 25
Mateo 24: 29-51
Salmo 30: 1-12
Proverbio 7: 24-27

Pebrero 7, 2013 [Huebes]
Maika-38 iti 365 nga Aldaw ti Tawen
Exodus 26
Exodus 27
Mateo 25: 1-30
Salmo 31: 1-8
Proverbio 8: 1-11

Pebrero 8, 2013 [Biernes]
Maika-39 iti 365 nga Aldaw ti Tawen
Exodus 28
Mateo 25: 31-46
Mateo 26: 1-13
Salmo 31: 9-18
Proverbio 8: 12-13

Pebrero 9, 2013 [Sabado]
Maika-40 iti 365 nga Aldaw ti Tawen
Exodus 29
Exodus 30: 1-10
Mateo 26: 14-46
Salmo 31: 19-24
Proverbio 8: 14-26

Nasantoan a Mabasa Ita nga Aldaw, Pebrero 10, 2013, Domingo
Maika-41 iti 365 nga Aldaw ti Tawen
Exodus 30: 11-38
Exodus 31
Mateo 26: 47-68

[Nabulod laeng ti ladawan a naaramat]

Ti Pannakaliput ken Pannakatiliw ni Jesus
[Mar 14: 43-50; Luc 22: 47-53; Jn 18: 3-12]
-Agsasao pay laeng ni Jesus idi sumangpet ni Judas, maysa kadagiti sangapulo ket dua nga adalan. Kimmuyog kenkuana dagiti adu a tattao a nagtagibuneng ken nagtagipang-or. Imbaon ida dagiti panguloen a papadi ken dagiti panglakayen dagiti Judio. Daytoy ti pagilasinan nga inted ti mangliliput kadagiti kimmuyog kenkuana sakbay ti ipapanda: "Daydiay agkak isu ti masapulyo. Tiliwenyo!"

Immasideg a dagus ni Judas ken Jesus ket kinunana, "Naimbag a rabiim, Maestro," sana inagkan.

"Gayyem," insungbat ni Jesus, "aramidem ti panggepmo."

Immasideg dagiti tattao, ket tiniliwda ni Jesus. Inasut ti maysa kadagiti kadua ni Jesus ti bunengna sana tinagbat ti adipen ti Kangatoan a Padi ket napingasan ti lapayagna. Ngem kinuna ni Jesus, "Idulinmo ta bunengmo, agsipud ta ti mangaramat iti buneng matayto iti buneng. Dimo aya ammo a mabalinko ti umawag ken ni Amak tapno mangibaon a dagus iti nasurok a sangapulo ket dua a bunggoy dagiti angheles? Ngem no maaramid dayta, kasano ti pannakatungpal ti kuna ti Nasantoan a Surat a masapul a kastoy ti mapasamak?"

"Tulisanak aya ta nagtagibuneng ken nagtagipang-orkayo nga umay mangtiliw kaniak?" kinuna ni Jesus. "Inaldaw nga agtugtugawak a mangisursuro idiay Templo ket didak tiniliw. Ngem maaramid amin dagitoy tapno matungpal ti sinao dagiti profeta a nailanad iti Nasanton a Surat."

Nagtataray amin dagiti adalan ket binaybay-anda ni Jesus.

Maisaklang ni Jesus iti Sanhedrin
[Mar 14: 53-65; Luc 22: 54-55. 63-71; Jn 18: 13-14, 19-24]
-Kalpasan ti panangtiliwda ken Jesus, impanda iti balay ni Caifas a Kangatoan a Padi, a nagguurnongan dagiti mamaetro iti Linteg ken dagiti panglakayen. Sumarsaruno ni Pedro nga adda iti adayo, agingga iti paraangan ti balay ti Kangatoan a Padi. Simrek a nakitugaw kadagiti guardia tapno kitaenna ti pagbanagan ti amin.

Nagbirbirok dagiti panguloen a papadi ken ti entero a Sanhedrin iti ulbod a pammaneknek a maibusor ken Jesus tapno papapatayda. Ngem awan ti nasarakanda nupay adu ti nagsao iti ulbod a maikontra kenkuana. Kamaudiananna, timmakder ti dua a tao a nagkuna: Kinuna daytoy a tao a kabaelanna a rebbaen ti Templo ti Dios, ket bangoenna met laeng iti uneg ti tallo nga aldaw."

Timmakder ti Kangatoan a Padi ket kinunana ken Jesus: "Ania ti maisungbatmo kadagitoy nga ipabpabasolda kenka?"

Ngem nagulimek ni Jesus.

Kinuna manen kenkuana ti Kangatoan a Padi: "Isapatam iti nagan ti sibibiag a Dios ket ibagam kadakami no sika ti Cristo nga Anak ti Dios."

"Nasaomon!" insungbat ni Jesus. "Ngem kunak kadakayo amin: Makitayonto ti Anak ti Tao a situtugaw iti makannawan ti Mannakabalin-ami. Makitayonto nga umay kadagiti ulep ti langit."

Iti kasta, rinay-ab ti Kangatoan a Padi ti pagan-anayna. "Nagsao iti maibusor iti Dios! Ania pay la ti pakasapulantayo iti saksi?" kinunana. "Nangngegyon dagiti saona amaikaniwas iti Dios. Ania ti pangngeddengyo?"

"Nakabasol," insungbatda. "Masapul a matay."

Ket tinupratupraanda ti rupana ken dinanogdanogda. Tinungpa met dagiti dadduma. "Pugtoam man Cristo, no siasino ti nangtungpa kenka?" kinunada.

Salmo 32: 1-11
Proverbio 8: 27-32