 |
| [Nabulod laeng ti ladawan a naaramat iti daniw] |
Kayatna nga Ikantatayo ti Panagayatna
ni Rudy Ram. Rumbaoa
[nasurat.2.22.2007.maui]
No dadduma
ipannatayo ti Dios
iti maysa a situasion a ditay' ammot'
mapasamak, wenno iti lugar a ditay' pay
napanan; ket mangrugitayo nga agsiddaaw
no daytoy ket paset ti planona.
Ket no dadduma,
masapul a masaktantayo
tapno masursuro ken lumawa ti pannakaawattayo-
ti agbalin a manakem ken naimbag
a parsua, ket rumbeng a liklikan
dagiti lugar a mangirisgo iti kararuatayo.
Pagngata-ngataan
ti biag no maminsan,
ket ti dana a pagturongan
kasla awan pagpatinggaanna.
Ngem ti Dios
iti amin a kinasiribna,
ipaayna ti pagsayaatan dagiti tattaona;
ket ti himno a pagdaydayaw...
ti Dios kayatna nga ikantatayo ti panagayatna.
[C]by.rudy.ram.rumbaoa]
No comments:
Post a Comment