 |
| [Nabulod laeng ti ladawan a naaramat iti daniw] |
Umno nga Aweng
ni Rudy Ram. Rumbaoa
[nasurat.11.27.2008.maui]
Ala, umisemka,
agkatawa
agdaniw
ken agkanta;
ta daytat' kasilpo
ti kararua.
Sibugam iti pateg ken ayat
ket imdengam ti ragsak
ta dayta ti mangpasantak
ti biag.
Ta kas met iti samiweng,
adda nota ti biag-
adda kuerdasna a pakatemplaan
ti umno nga aweng tapno mangngegan.
No disintonado ti agkanta-
agbalin a nalaad ti kanta,
agperkak ket di maawatan
ti boses iti maasut nga anges...
[c]rudy.ram.rumbaoa/immuna a naiposte iti iluko.com]
No comments:
Post a Comment