Ti Panursuro nga Impatawid dagiti Amma

Nasantoan a Mabasa:
Pebrero 18-24, 2013

Pebrero 18, 2013 [Lunes]
Maika-49 iti 365 nga Aldaw ti Tawen
Leviticus 6
Leviticus 7: 1-27
Marcos 3: 7-30
Salmo 37: 1-11
Proverbio 10: 3-4

Pebrero 19, 2013 [Martes]
Maika-50 iti 365 nga Aldaw ti Tawen
Leviticus 7: 28-38
Leviticus 8
Leviticus 9: 1-6
Marcos 3: 31-35
Marcos 4: 1-25
Salmo 37: 12-29
Proverbio 10: 5

Pebrero 20, 2013 [Mierkules]
Maika-51 iti 365 nga Aldaw ti Tawen
Leviticus 9: 7-24
Leviticus 10
Marcos 4: 26-41
Marcos 5: 1-20
Salmo 37: 30-40
Proverbio 10: 6-7

Pebrero 21, 2013 [Huebes]
Maika-52 iti 365 nga Aldaw ti Tawen
Leviticus 11
Leviticus 12
Marcos 5: 21-43
Salmo 38: 1-22
Proverbio 10: 8-9

Pebrero 22, 2013 [Biernes]
Maika-53 iti 365 nga Aldaw ti Tawen
Leviticus 13
Marcos 6: 1-29
Salmo 39: 1-13
Proverbio 10: 10

Pebrero 23, 2013 [Sabado]
Maika-54 iti 365 nga Aldaw ti Tawen
Leviticus 14
Marcos 6: 30-56
Salmo 40: 1-10
Proverbio 10: 11-12

Nasantoan a Mabasa Ita nga Aldaw, Pebrero 24, 2013, Domingo
Maika-55 iti 365 nga Aldaw ti Tawen
Leviticus 15
Leviticus 16: 1-28
Marcos 7: 1-23

[Nabulod laeng ti ladawan a naaramat]

Ti Panursuro nga Impatawid dagiti Amma
[Mat 15: 1-9]
-Naminsan, naguurnong dagiti Fariseo iti yan ni Jesus, agraman ti sumagmamano a mamaestro iti Linteg a naggapu idiay Jerusalem. Nadlawda a mangmangan ti sumagmamano nga adalan ni Jesus a dida "nagbuggo," kas naipakadawyan kadagiti amin a Judio. [Ta naannadda, nangruna dagiti Fariseo, a mangtungpal kadagiti pannursuro nga impatawid dagiti ammada]. Saanda a mangan no dida buggoan dagiti imada iti umisu a panagbuggo. Dida mangan iti aniaman nga aggapu iti tiendaan no saan a mabuggoan nga umuna. Adu pay ti annurotenda a panursuro dagiti ammada, kas iti tumutop a panangugas kadagiti tasa, banga, lunglongan a gambang ken dulang.

Iti kasta, sinaludsod dagiti Fariseo ken mamaestro iti Linteg ken Jesus, "Apay a di tungpalen dagiti adalam ti panursuro nga impatawid dagiti amma, ta dida agbuggo a mangan?"

"Aginsisingpetkayo!" insungbat ni Jesus. "Pudno unay ti impadto ni Isaias maipapan kadakayo, kas insuratna:

  Kuna ti Dios, 'Dagitoy a tattao kunkunada
   a dayawendak,
  Ngem adayo ti pusoda kaniak,
  Awan serbi ti panagdaydayawda kaniak,
  Gapu ta isursuroda dagiti linteg nga inaramid ti tao
   ket imbilangda a bilin ti Dios.'

"Binaybay-anyon ti bilin ti Dios ket dagiti panursuro nga impatawid ti tao ti tungtungpalenyo.

Nagsayaat ketdin ti panangyaw-awanyo iti bilin ti Dios tapno mataginayon dagiti panursuro a tinawidyo. Ta imbilin ni Moises, 'Dayawem da amam ken inam,' ken 'Ti agsao iti dakes ken ni ama wenno inana rebbengna a mapapatay.' Ngem isursuroyo met a no adda mabalin nga ipaay ti maysa a tao kadagiti nagannak kenkuana ket kunana, 'Korban daytoy' [kayatna a sawen, "Naikarin iti Dios"], saanen a masapul a tulonganna ida. Iti kastoy, binaybay-anyon ti sao ti Dios gapu iti panursuro nga impatawidyo kadagiti tattao. Adu pay dagiti kakastoy a banag nga ar-aramideyo."

Dagiti Mangtulaw iti Tao
[Mat 15: 10-20]
-Pinaasideg manen ni Jesus dagiti tattao ket kinunana kadakuada: "Dumngegkayo amin kaniak ket amirisenyo a nalaing daytoy. Saan a ti ipauneg ti tao ti makatulaw kenkuana, no di ket dagiti agtaud iti pusona. [Dumngeg ngarud ti siasinoman nga addaan iti pannakaawat]."

Idi pinanawan ni Jesus dagiti tattao ket simrek iti balayna, sinaludsod dagiti adalanna ti kaipapanan daytoy a pangngarig. Kinuna ni Jesus kadakuada, "Uray dakayo, diyo met aya maawatan? Saan a ti makan ti mangtulaw iti tao, ta saan a mapan iti puso no di ket iti tian ket kalpasanna rummuar. [Iti panagkuna ni Jesus iti kastoy, impakaammona a mabalin a kanen ti amin a taraon].

Insarunona pay, "Dagiti agtaud iti tao ti mangtulaw kenkuana. Ta iti puso ti tao rumusing dagiti dakes a panunot a pagtaudan dagiti maikaniwas a bambanag kas iti pannakiabig, panagtakaw, pammapatay, pannakikamalala, panagagum ken dadduma pay a kita ti kinadakes; panangallilaw, kinaderrep, kinaapal, pammadpadakes, kinapalangguad ken kinamaag.

Agtaud iti puso ti tao amin dagitoy a bambanag ket isuda ti mangtulaw kenkuana."

Salmo 40: 11-17
Proverbio 10: 13-14