 |
| [Nabulod laeng ti ladawan a naaramat iti daniw] |
Sika Apo
ni Rudy Ram. Rumbaoa
[nasurat.7.1.2007.maui]
Sikat' pigsak
iti biag,
Sikat' dalan
a pagnaak
ken silaw
a manglawag kaniak.
Sikat' puon
ti amin a banag-
taraon, kinasirib
ken amin a ragsak;
Kenka, agtalekak.
Sika
awan sabali a pagtamedak.
Adda kad' pay sabali a pagkurangan
mariknakon aglaplapunosan
nga ayatmo kaniak?
Sika ti Apo iti agnanayon
Sikat' paggapuan ken panungpalan.
Wen, sindiakto ti pagsaingan
iti agnanayon
tapno makitak
dagiti unorek a dalan,
bay-am nga asakek
dagiti adu a pannubok
ket diakto agamak
awan pagbutngak-
Sikat' kalasag.
Idawatko Kenka, O Apo
a punnoennak
iti namnama a mangpabaro kaniak
tapno dagiti pagayatam
maiburayko:
"Ti ayat a para iti kaaduan!"
[c]2007.by.rudy.ram.rumbaoa]
--
No comments:
Post a Comment