Nasantoan a Mabasa:
Marso 4-10, 2013
Marso 4, 2013 [Lunes]
Maika-63 iti 365 nga Aldaw ti Tawen
Numero 2
Numero 3
Marcos 11: 27-33
Marcos 12: 1-17
Salmo 47: 1-9
Proverbio 10: 24-25
Marso 5, 2013 [Martes]
Maika-64 iti 365 nga Aldaw ti Tawen
Numero 4
Numero 5
Marcos 12: 18-37
Salmo 48: 1-14
Proverbio 10: 26
Marso 6, 2013 [Mierkules]
Maika-65 iti 365 nga Aldaw ti Tawen
Numero 6
Numero 7
Marcos 12: 38-44
Marcos 13: 1-13
Salmo 49: 1-20
Proverbio 10: 27-28
Marso 7, 2013 [Huebes]
Maika-66 iti 365 nga Aldaw ti Tawen
Numero 8
Numero 9
Marcos 13: 14-37
Salmo 50: 1-23
Proverbio 10: 29-30
Marso 8, 2013 [Biernes]
Maika-67 iti 365 nga Aldaw ti Tawen
Numero 10
Numero 11: 1-23
Marcos 14: 1-21
Salmo 51: 1-19
Proverbio 10: 31-32
Marso 9, 2013 [Sabado]
Maika-68 iti 365 nga Aldaw ti Tawen
Numero 11: 24-35
Numero 12
Numero 13
Marcos 14: 22-52
Salmo 52: 1-9
Proverbio 11: 1-3
Nasantoan a Mabasa Ita nga Aldaw, Marso 10, 2013, Domingo
Maika-69 iti 365 nga Aldaw ti Tawen
Numero 14
Numero 15: 1-16
Marcos 14: 53-72
Maisaklang ni Jesus iti Sanhedrin
[Mat 26: 57-68; Luc 22: 54-55, 63-71; Jn 18: 13-14, 19-24]
-Kalpasanna, impanda ni Jesus iti balay ti Kangatoan a Padi a naguurnongan dagiti panguloen a papadi, dagiti panglakayen ken dagiti mamaestro iti Linteg. Sumrasaruno ni Pedro nga adda iti adayo agingga iti paraangan ti balay ti Kangatoan a Padi. Sadiay, nakutugaw kadagiti guradia ken nakiinudo.
Nagbirbirok dagiti panguloen a papadi ken ti intero a Sanhedrin kadagiti pammaneknek a maibusor ken Jesus tapno papapatayda, ngem awan ti nasarakanda. Ta adu ti nagsao iti ulbod a maikontra kenkuana, ngem saan a nagtutunos dagiti pammaneknekda.
Timmakder ti sumagmamano a nagsao iti ulbod a pammaneknek. Kinunada: "Nangngegmi nga insaona, 'Rebbaekto daytoy a Templo a binangon dagiti tattao, ket iti uneg ti tallo nga aldaw mangbangonakto iti sabali a saan nga aramid ti tao.'" Uray pay dagitoy, kaskasdi a saan a nagtutunos dagiti pammaneknekda.
Timmakeder ti Kangatoan a Padi iti sangngoananda. "Awan aya ti maisungbatmo kadagiti ipabpabasolda kenka dagitoy a tattao?" sinaludsodna ken Jesus.
Ngem nagulimek ni Jesus ket saan a simmungbat.
"Sika kadi ti Cristo nga Anak ti Nasantoan a Dios?" sinaludsod manen ti Kangatoan a Padi.
"Wen, siak!" insungbat ni Jesus. "Makitayonto ti Anak ti Tao a situtugaw iti makannawan ti Mannakabalin-amin. Makitayonto nga umay kadagiti ulep ti langit."
Rinay-ab ti Kangatoan a Padi ti kagayna. "Ania pay la ti pakasapulanyo kadagiti saksi?" kinunana. "Nangngegyon dagiti saona a maikaniwas iti Dios. Ania ti pangngeddengyo?" Ket isuda amin inkeddengda a mapapatay.
Tinupratupraanda ni Jesus ket inabbonganda ti rupana sada dinanogdanog. "Pugtoamman no siasino ti nangdisnog kenka?" kinunada.
Kalpasanna, innala dagiti guardia sada ginagara iti tungpa.
 |
| [Nabulod laeng ti ladawan a naaramat] |
[Mat 26: 69-75; Luc 22: 56-62; Jn 18: 15-18, 25-27]
-Adda pay la ni Pedro iti paraangan idi umasideg ti maysa nga adipen ti Kangatoan a Padi. Idi makitana ni Pedro nga agin-inudo, miningminganna sana kinuna, "Uray sika, nakikadkaduaka met ken ni Jesus a taga-Nazaret."
"Diak ammo ken diak maawatan ti ibagbagam," kinuna ni Pedro nga inlibak. Ket rimmuar a nagturong iti ruangan.
Apagisu met a nagtaraok ti maysa a kawitan.
Nakita sadiay ti babai nga adipen ket kinunana manen kadagiti adda sadiay, "Maysa kadakuada daytoy a lalaki."
Ngem naglibak manen ni Pedro.
Iti saan a mabayag, kinuna met kenkuana dagiti adda sadiay, "Saanmo a mailibak maysaka kadakuada ta taga-Galileaka met."
"Uray dusaennak ti Dios no saan a pudno ti ibagbagak!" insapata ni Pedro. "Diak am-ammo ti tao nga ibagbagayo!"
Pagammuam, nagtaraok manen ti kawitan ket nalagip ni Pedro ti kinuna ni Jesus kenkuana: "Sakbay ti maikadua a panagtaraok ti kawitan, mamitlonton nga ilibaknak."
Ket naganug-og gapu iti ladingitna.
Salmo 53: 1-6
Proverbio 11: 4
No comments:
Post a Comment