Ti Panagpalawag ni Esteban

Nasantoan a Mabasa:
Hunio 3- 9, 2013

Hunio 3, 2013, [Lunes]
Maika-154 iti 365 nga Aldaw ti Tawen
2 Samuel 20: 14-26
2 Samuel 21
Aramid 1
Salmo 121: 1-8
Proverbio 16: 18

Hunio 4, 2013 [Martes]
Maika-155 iti 365 nga Aldaw ti Tawen
2 Samuel 22
2 Samuel 23: 1-23
Aramid 2
Salmo 122: 1-9
Proverbio 16: 19-20

Hunio 5, 2013 [Mierkules]
Maika-156 iti 365 nga Aldaw ti Tawen
2 Samuel 23: 24-39'
2 Samuel 24
Aramid 3
Salmo 123: 1-4
Proverbio 16: 21-23

Hunio 6, 2013 [Huebes]
Maika-157 iti 365 nga Aldaw ti Tawen
1 Ari 1
Aramid 4
Salmo 124: 1-8
Proverbio 16: 24

Hunio 7, 2013 [Biernes]
Maika-158 iti 365 nga Aldaw ti Tawen
1 Ari 2
1 Ari 3: 1-2
Aramid 5
Salmo 125: 1-5
Proverbio 16: 25

Hunio 8, 2013 [Sabado]
Maika-159 iti 365 nga Aldaw ti Tawen
1 Ari 3: 3-28
1 Ari 4
Aramid 6
Salmo 126: 1-6
Proverbio 16: 26-27

Nasantoan a Mabasa Ita nga Aldaw, Hunio 9, 2013 [Domingo]
Maika-160 iti 365 nga Aldaw ti Tawen
1 Ari 5
1 Ari 6
Aramid 7: 1-29

[Nabulod laeng ti ladawan a naaramat]

Ti Panagpalawag ni Esteban
-Sinaludsod ti Kangatoan a Padi ken ni Esteban, "Agpayso kadi daytoy?"

Nagpalawag ni Esteban: "Ammak ida ken kakabsat! Dumngegkayo kaniak. Idi adda ni amatayo nga Abraham idiay Mesopotamia sakbay ti ipapanna panagnaed idiay Haran, nagparang kenkuana ti nagloriaan a Dios ket kinunana, 'Panawam ti dagam ken dagiti kakabagiam ket inka iti daga nga ipakitakto kenka.'

Iti kasta, pinanawanna ti daga dagiti Caldeo ket napan nagnaed idiay Haran. Kalpasan ti ipapatay ti ama ni Abraham, imbaon ti Dios ni Abraham ditoy daga a pagnaedantayo ita. Saanna nga impatawid idi ken Abraham daytoy a daga, uray la koma no sangkakelleng, ngem inkarina ketdi nga agpaay daytoy a daga kenkuana ken kadagiti kaputotannanto uray awan pay anakna idi.

Kastoy ti kinuna ti Dios kenkuana, 'Agnaedto dagiti kaputotam a kas gangannaet iti sabali a daga. Sadiay, matagabu ken maidadanesdanto iti uneg ti uppat a gasut a tawen. Ngem ukomento dagiti tattao a mangtagabu kadakuada. Kalpasanna, pumanawdanto iti dayta a lugar kent agdaydayawdanto kaniak iti daytoy a lugar.'

Inted ti Dios ken ni Abraham ti seremonia ti pannakakugit a pakakitaan iti daytoy a tulag. Iti kasta, kinugit ni Abraham ni Isaac iti maikawalo nga aldaw kalpasan ti pannakayanakna. Kinugit met ni Isaac ni Jacob. Kasta met ti inaramid ni Jacob kadagiti sangapulo ket dua nga amma.

Gapu iti apal dagiti amma, inlakoda ni Jose a kas tagabu idiay Ehipto; ngem adda ti Dios kenkuana. Tinulongan ti Dios dagiti amin a pakarigatanna. Inikkanna iti sirib ken makaay-ayo a kababalin idi agparang ni Faraon nga ari ti Ehipto. Dinutokan ni Faraon ni Jose a gobernador iti Ehipto ken iti naarian a familiana.

Kalpasanna, napasamak ti dakkel a bisin iti amin nga Ehipto ken Canaan, ket dakkel ti rigat ta awan makan a masarakan dagiti ammatayo. Idi nadamag ni Jacob nga adda makan idiay Ehipto, imbaonna dagiti annakna, isuda nga ammatayo. Daytoy ti damo nga ipapanda sadiay. Iti maikadua nga ipapan dagiti kakabsat ni Jose, impudnona ti bagina kadakuada. Naammuan ti Faraon ti familia ni Jose. Iti kasta, pinaala ni Jose ni Jacob nga amana, kasta met dagiti kakabagianna; pitopulo ket limada amin.

Napan ngarud ni Jacob idiay Ehipto ket idiay ti nakatayanna agraman dagiti ammatayo. Naipan dagiti bangkayda idiay Sikem, ket naikabilda iti tanem a ginatang ni Abraham kadagiti annak ni Hamor.

Adun dagiti kadaraantayo idiay Ehipto idi umasideg ti tiempo a pannakatungpal ti kari ti Dios ken ni Abraham. Simmublat a nagturay sadiay ti ari nga awan nadamdamagna maipapan ken Jose. Sinikapanna dagiti kadaraantayo ket pinilitna dagiti ammatayo a mangibelleng kadagiti tagtagibida tapno matayda.

Nayanak ni Moises kadagidi a tiempo. Napintas unay nga ubing, ket makaay-ayo iti Dios. Tallo a bulan a tinagibi dagiti nagannak kenkuana. Idi naibelleng, innala ti babai nga anak ti Faraon, ket pinadakkelna a kas anakna. Iti kasta, naisuro kenkuana ti amin a sirib dagiti taga-Ehipto ket nagbalin a maingel a tao iti sao ken aramid.

Idi upppat a pulo ti tawen ni Moises, nalagipna a sarungkaran dagiti padana nga Israelita. Nakitana a rangranggasan ti maysa a taga-Ehipto ti maysa nga Israelita. Napanna tinulongan ket pinatayna ti taga-Ehipto a kas panangibales iti kadaraanna. [Impagarup a maawatan dagiti kadaraanna nga isut' usaren ti Dios a mangwayawaya kadakuada; ngem dida met naawatan].

Iti sumuno nga aldaw, nakakita iti dua nga Israelita nga agap-apa ket kayatna a pagkappiaen ida. 'Lallaki,' kinunana, 'agkabsatkayo; apay nga agrinnanggaskayo?'

Ngem ti lalaki a mangrangranggas iti sabali, inawadagna ni Moises. 'Siasino ti nangisaad kenka a mangituray ken mangukom kadakami?' kinunana. 'Patayennak met aya a kas iti panangpataymo iti taga-Ehipto idi kalman?'

Gapu iti daytoy a sao, nagtalaw ni Moises ket napan nagnaed iti daga ti Midian. Sadiay, naaddaan iti dua nga annak a lallaki."


Salmo 127: 1-5
Proverbio 16: 28-30