ipaayannak iti nasalun-at
a panagpanunot, apo,
tapno naimbag ken nadalus
ti makita dagiti matak--
saan nga agayat iti dakes
ngem agpakumbaba, makipagragsak
ipaayannak iti panunot
a saan a maumat' nalaka,
a saan a nalaka nga umasug
ken agdukot ket dinak
palubosan nga agdanag
iti nalabes maipapan
ti masansan a panagbubukod
kadagiti material a banag
ipaayannak met pannakaawat, apo,
dagiti tao a mangawat kapadasak
ket didak ukomen iti biddut
ti di nagay-ayatan nga aramid
tapno magun-odko met
ti sangkabassit a ragsak
a mangrikna dagiti angaw ti gasat.
.
.
.
.
.
Ipaayannak
Rudy Ram. Rumbaoa
wwwtaraontibiag.blogspot.com
[nabulod ti ladawan a nausar
No comments:
Post a Comment