Ikkannak

Ikkannak iti nasalun-at

a panagpanunot, Apo,

tapno naimbag

ken nadalus ti makitak

a saan nga agayat

iti kinadakes, ngem

ti kinaimbag, makipagragsak.

Ikkannak ti panaganus

a saan a mauma iti nalaka,

a saan a nalaka

nga umasug wenno agdukot;

dinak palubosan nga aglabes

nga agdanag maipapan

iti masansan a panagbubukod.

Ikkannak met

iti pannakaawat, Apo,

tapno mayallatiwko

kadagiti kapatadak--

ken tapno magun-odak

sangkabassit a ragsak

a mangkita ti aglawlaw,

mangrikna iti angaw ti biag.

.

.

.

.

.

IKKANNAK

Rudy Ram. Rumbaoa

wwwtaraontibiag.blogspot.com

[nabulod ti ladawan a nausar]