di magatadan
ti ayat
wenno bilang
tunggal papagayam,
ti napudno
ken panagtalek;
saan a tagilako--
saan a magatang
ti siasinoman
nga agayat.
saan a posible
ti panangtallikud
ti pagorasan
iti laksid ti kinabaknang
nga ik-ikutan,
ti maaddaan
atiddog a biag
awan presiona
a nailatang--
ti pirak saanna
a magatang
ti naimbag
a salun-at.
ti panangpakawan
saan a panangtagikua
ti espiritu
ken kararua
saan a produkto
a mabalin lattan
nga ilako,
ti pannakipagrikna
ket saan
a panggutigot
gaput' kuarta,
nawaya ti puso
nga agdesision
kadagiti dadakkel
ti kaipapananna--
di magatadan
ti dana nga agturong
iti Dios...
.
.
.
.
.
DI MAGATADAN
Rudy Ram. Rumbaoa
wwwtaraontibiag.blogspot
[bukod a ladawan ti nausar]
No comments:
Post a Comment