Di magatadan
ti ayat
wenno bilang
tunggal papagayam,
ti napudno
a pammati
ken panagtalek;
saan a tagilako---
saan a magatang
ti siasinoman
nga agayat.
Saan a posible
ti panangtallikud
ti pagorasan
iti laksid ti kinabaknang
nga ik-ikutan,
ti maaddaan
atiddog a biag
awan presiona
a nailatang---
ti pirak saanna
a magatang
ti naimbag
a salun-at.
Ti panangpakawan
saan a panangtagikua
ti espiritu
ken kararua
saan a produkto
a mabalin lattan
nga ilako,
ti pannakipagrikna
ket saan
a panggutigot
gapu't kuarta,
nawaya ti puso
nga agdesision
kadagiti dadakkel
ti kaipapananna---
di magatadan
ti dana nga agturong
iti Dios...
.
.
.
.
.
Napili a Daniw Ita a Lawas:
DI MAGATADAN
Rudy Ram. Rumbaoa
wwwtaraontibiag.blogspot.com
#ilokodaniw #taraontikararua #taraontibiag #dimagatadan #napili #daniw #ayat #pagayam #pammati #panagtalek #tagilako #kinabaknang #atiddog #biag #nailatang #salunat #panangpakawan #tagikua #puso #desision #dana #kaipapanan #agturong #dios #rudyramrumbaoa
[cr/rrr.2o12.pebrero]
No comments:
Post a Comment