Nov 22, 2026

KENKA NGA ARI [Viva Cristo Rey!]

 



Ipaaymo ti agnanayon a kaasi, Ari,
Idumog ulo, agdaydayawak Kenka;
Indatonmot' bagi tapno matungpal
Kasuratan, ti basolko masubbotmo

Urayek nabara nga aprosmo
Kas iti isisiray ti init
Ti pannakaipasngay ti bigat
A mamagngudo panagari ti rabii

Nabannayat ti aglabas a darikmat
Innak panaguray, diakto kadi irugi
A sapulen ti rupa? Palag-anenna ti riknak
Siak ti mangbirok kadagiti aramidna
Tapno yegnat' liwliwa ti malmaldaangan a pusok,

Ket ti kari nga inted ni Zachariah,
Makaabbukay iti rikna ken panunot
Iturongna ti pusok iti kararuak
Nga agtalek iti Dios a Mangisalakan!
.
.
.
.
.
KENKA NGA ARI
[Viva Cristo Rey!]
Rudy Ram. Rumbaoa
wwwtaraontibiag.blogspot.com

#itangaaldaw #vivacristorey #ilokodaniw #taraontibiag #saguttibiag #taraontikararua #kenkangaari #jesucristo #aritiuniberso #rudyramrumbaoa

[Nabulod ti ladawan a nausar]


No comments:

Post a Comment