Ti Surat para iti Iglesia idiay Efeso

Nasantoan a Mabasa:
Disiembre 3-9, 2012

Disiembre 3, 2012 [Lunes]
Maika-338 iti 365 nga Aldaw ti Tawen
Daniel 11: 36-45
Daniel 12
1 Juan 4
Salmo 123: 1-4
Pagsasao 29: 2-4

Disiembre 4, 2012 [Martes]
Maika-339 iti 365 nga Aldaw ti Tawen
Hosea 1
Hosea 2
Hosea 3
1 Juan 5
Salmo 124: 1-4
Pagsasao 29: 5-8

Disiembre 5, 2012 [Mierkules]
Maika-340 iti 365 nga Aldaw ti Tawen
Hosea 4
Hosea 5
2 Juan 1
Salmo 125: 1-5
Pagsasao 29: 9-11

Disiembre 6, 2012 [Huebes]
Maika-341 iti 365 nga Aldaw ti Tawen
Hosea 6
Hosea 7
Hosea 8
Hosea 9
3 Juan 1
Salmo 126: 1-6
Pagsasao 29: 12-14

Disiembre 7, 2012 [Biernes]
Maika-342 iti 365 nga Aldaw ti Tawen
Hosea 10
Hosea 11
Hosea 12
Hosea 13
Hosea 14
Judas 1
Salmo 127: 1-5
Pagsasao 29: 15-17

Disiembre 8, 2012 [Sabado]
Maika-343 iti 365 nga Aldaw ti Tawen
Joel 1
Joel 2
Joel 3
Paltiing 1
Salmo 128: 1-6
Pagsasao 29: 18

Nasantoan a Mabasa Ita nga Aldaw, Disiembre 9, 2012 [Domingo]
Maika-344 iti 365 nga Aldaw ti Tawen
Amos 1
Amos 2
Amos 3
Paltiing 2: 1-17

[Nabulod laeng ti ladawan a naaramat]

 
Ti Surat para iti Iglesia idiay Efeso
-"Isuratmo iti anghel ti iglesia idiay Efeso:
"Daytoy ti mensahe nga aggapu iti mangig-iggem kadagiti pito a bituen iti makannakawan ti imana ken agpagnapagna iti nagbabaetan dagiti pito a pagsilawan a balitok: Ammok dagiti aramidmo, dagiti panagbannog ken panagituredmo a siaanus. Ammok a dimo maanusan dagiti dakes a tattao. Sinuotmo dagiti agkuna nga apostolesda uray no saanda met nga apostoles, ket natakkuatam nga ulbodda. Ammok a naanuska. Inturedmo dagiti rigat gapu kaniak ket saanka a naupay. Ngem daytoy ti diak kayat kenka: saannakon nga ay-ayaten a kas idi damo. Laglagipem ti kasasaadmo sakbay ti pannakatnagmo. Agbabawika ket aramidem dagiti inar-aramidmo idi damo. Ta no saan, umaykonto ikkaten ti pagsilawan iti nakaisaadanna. Ngem adda met naimbag kenka: guraem ti aramid dagiti Nicolaita a kas iti pananggurak iti aramidda."

No adda pannakaawatyo, denggenyo ngarud ti kuna ti Espiritu kadagiti iglesia:

"Ti agbilligi, palubosakto a mangan iti bunga ti kayo ti biag nga adda iti minuyongan ti Dios."

Ti Surat para iti Iglesia idiay Esmirna
-"Isuratmo iti anghel iti iglesia idiay Esmirna:
"Daytoy ti mensahe nga aggapu iti umuna ken maudi, isu a natay ken nagbiag manen. Ammok dagiti pakariribukam. Ammok met a napanglawka, ngem iti kinapudnona, nabaknangka. Ammok pay dagiti pammadpadakes kenka dagiti agkunkuna a Judioda uray no saan. Sinagoga ida ni Satanas. Dika agbuteng iti umay a sagabaem. Denggem, suotennaka ti Diablo babaen ti panangipisokna iti sumagmamano kadakayo iti pagbaludan. Agpautto ti pakariribukam iti uneg ti sangapulo nga aldaw. Agtalinaedka ngarud a napudno uray pay no isut' pakatayam ket itedkonto kenka ti korona ti biag."

No adda pannakaawatyi, denggenyo ngarud ti Espiritu kadagiti iglesia:

"Ti agballigi, dinto an-annoen ti maikadua nga ipapatay."

Ti Surat para iti Iglesia idiay Pergamo
-"Isuratmo iti anghel iti iglesia idiay Pergamo:
"Daytoy ti mensahe nga aggapu iti addaan iti natadem a kampilan a dua ti tademna: Ammok ti pagnaedam. Agnaedka idiay ayan ti trono ni Satanas. Nupay kasta, napudnoka kaniak, ket dimo binaybay-an ti pammatim uray idi tiempo ni Antipas a napudno a saksik a napapatay idiay pagtaengan ni Satanas. Ngem adda diak kenka: adda sumagmamano kadakayo dita a pasurot ni Balaam. Isu ti nangisuro ken Balak a nangaramid iti pagbasolan dagiti Israelita babaen ti pannanganda iti taraon a naidaton kadagiti didiosen kn panangaramidda kadagiti immoralidad. Kasta met adda sumagmamano kadakayo a sumursurot iti pannursuro dagiti Nicolaita. Agbabawika ngarud kadagiti basbasolmo. Ta no saan, umayak kenka iti mabiit ket gubatek dagita a tattao babaen ti kampilan a rummuar iti ngiwatko.

No adda pannakaawatyo, denggenyo ngarud ti kuna ti Espiritu kadagiti iglesia:

"Ti agballigi, ikkakto iti nailemmeng a mana. Ikkakto pay iti tunggal maysa iti puraw a bato a nakaimalditan ti baro a nagan nga awan iti makaammo malaksid iti umawat."

Salmo 129: 1-8
Pagsasao 29: 19-20