Maipapan iti Pannakikamalala

Nasantoan a Mabasa:
Enero 1-6, 2013

Enero 1, 2013 [Martes]
Maika-1 iti 365 nga Aldaw ti Tawen
Genesis 1
Genesis 2
Mateo 1
Mateo 2: 1-12
Salmo 1: 1-6
Proverbio 1: 1-6

Enero 2, 2013 [Mierkules]
Maika-2 iti 365 nga Aldaw ti Tawen
Genesis 3
Genesis 4
Mateo 2: 13-23
Mateo 3: 1-6
Salmo 2: 1-12
Proverbio 1: 7-9

Enero 3, 2013 [Huebes]
Maika-3 iti 365 nga Aldaw ti Tawen
Genesis 5
Genesis 6
Genesis 7
Mateo 3: 7-17
Mateo 4: 1-11
Salmo 3: 1-8
Proverbio 1: 10-19

Enero 4, 2013 [Biernes]
Maika-4 iti 365 nga Aldaw ti Tawen
Genesis 8
Genesis 9
Genesis 10
Mateo 4: 12-25
Salmo 4: 1-8
Proverbio 1: 20-23

Enero 5, 2013 [Sabado]
Maika-5 iti 365 nga Aldaw ti Tawen
Genesis 11
Genesis 12
Genesis 13: 1-4
Mateo 5: 1-26
Salmo 5: 1-12
Proverbio 1: 24-28

Nasantoan a Mabasa Ita nga Aldaw, Enero 6, 2013, Domingo
Maika-6 iti 365 nga Aldaw ti Tawen
Genesis 13: 5-18
Genesis 14
Genesis 15
Mateo 5: 27-48

[Nabulod ti ladawan a naaramat]

Maipapan iti Pannakikamalala
-"Nangngegyo a naisao: 'Dika makikamalala.' Ngem ita, ibagak kadakayo a ti siasinoman a mangmatmat iti maysa a babai, ket gartemanna, iti pusom, nabasolen iti pannakikamalala. Ngarud, no ti makannawan a matam ti pakaigapuan ti panagbasolmo, suatem ket ibellengmo. Nasaysayaat a mapukaw ti maysa a paset ti bagim ngem ti amin a bagim a maitappuak iti impierno. Ket no ti makannawan nga imam ti pakaigapuan ti panagbasolmo, putdem ket ibellengmo. Nasaysayaat nga awan ti maysa a takkiagmo ngem ti sibubukel a bagim a mapan iti impierno."

Maipapan iti Panagsina ti Agassawa
[Mat 19: 9; Mar 10: 11-12; Luc 16: 18]
-"Naisao pay: 'Siasinoman a lalaki a mangisina iti asawana, masapul nga ikkanna iti kasuratan ti panagsina.' Ngem ita, ibagaka kadakayo a no ti lalaki isinana ti asawana, idinto a sipupudno kenkuana ti babai, mapabasol dayta a lalaki iti pannakikamalala ti asawana no makiasawa manen. Kasta met a mapabasol iti pannakikamalala ti mangasawa iti naisina a babai."

Maipapan iti Panagsapata
-"Nangngegyo a naisao kadagiti tattao idi un-unana. 'Dimo paglikudan ti karim, ngem tungpalem dagiti sinapataam nga aramiden iti Apo.' Ngem ita, ibagak kadakayo a dikay agsapata a pulos; diyo pagsaksi ti langit ta isu ti trono ti Dios wenno ti daga ta isu ti pagbatayan dagiti sakana wenno ti Jerusalem ta isu ti isudad ti naindaklan nga Ario. Dimo met pagsapata ti ulom, agsipud ta dimo mapapuraw wenno mapangisit ti uray maysa laeng a buok. Kastoy laeng ti kunayon: no wen, 'Wen;' no saan, 'Saan,' ta agtaud iti Managdakdakes ti aniamana nga inayonyo."

Maipapan iti Panagibales
[Luc 6: 29-30]
-"Nangngegyo a naisao, 'Mata iti mata; ngipen iti ngipen.' Ngem ita, ibagak kadakayo diyo balsen ti siasinoman a mangdangran kadakayo. No adda mangtungpa iti makannawan a pingpingmo, patungpam pay ti makannigid. Kasta met a no adda mangidarum kenka tapno alaenna ti badom, bay-am nga alaenna pay ti kagaymo. Siasinoman a mangipapilit a kumuyog kenkuana iti maysa a kilometro, kuyogem pay iti maikadua. No adda dawatenda kenka, itedmo; no adda bulodenda kenka, ipabulodmo."

Panagayat kadagiti Kabusor
[Luc 6: 27-28, 32-36]
-"Nangngeyo a naisao. 'Ayatem dagiti gagayyemmo ket guraem dagiti kabusormo.' Ngem ita, ibagak kadakayo: Ayatenyo dagiti kabusoryo ket ikararakaganyo dagiti mangidadanes kadakayo, tapno agbalinkayto nga annak ni Amayo sadi langit. Ta padapada a pagraniagenna ti init kadagiti naimbag ken kadagiti dakes a tattao. Mangted iti tudo kadagiti agaramid iti naimbag, kasta met kadagiti agaramid iti dakes. Gunggunannakayto kadi ti Dios no dagiti laeng agayat kadakayo ti ayatenyo? Kasta met ti aramiden dagiti agsingsingir iti buis! Ania ngarud ti pakaidumaanyo kadagiti sabali no dagiti laeng kakabsatyo ti kablaawanyo? Kasta met ti aramiden dagiti Gentil! Masapul ngarud nga awan pagkuranganyon a kas ken ni Amayo sadi langit nga awan pagkuranganna."

Salmo 6: 1-10
Proverbio 1: 29-33