Ti Pangngarig maipapan kadagiti Ruot iti Nagbabaetan dagiti Trigo

Nasantoan a Mabasa:
Enero 14-20, 2013

Enero 14, 2013 [Lunes]
Maika-14 iti 365 nga Aldaw ti Tawen
Genesis 30
Genesis 31: 1-16
Mateo 10: 1-23
Salmo 12: 1-8
Proveribio 3: 13-15

Enero 15, 2013 [Martes]
Maika-15 iti 365 nga Aldaw ti Tawen
Genesis 31: 17-55
Genesis 32: 1-12
Mateo 10: 24-42
Mateo 11: 1-6
Salmo 13: 1-6
Proverbio 3: 16-18

Enero 16, 2013 [Mierkules]
Maika-16 iti 365 nga Aldaw ti Tawen
Genesis 32: 13-32
Genesis 33
Genesis 34
Mateo 11: 7-30
Salmo 14: 1-7
Proverbio 3: 19-20

Enero 17, 2013 [Huebes]
Maika-17 iti 365 nga Aldaw ti Tawen
Genesis 35
Genesis 36
Mateo 12: 1-21
Salmo 15: 1-5
Proverbio 3: 21-26

Enero 18, 2013 [Biernes]
Maika-18 iti 365 nga Aldaw ti Tawen
Genesis 37
Genesisi 38
Mateo 12: 22-45
Salmo 16: 1-11
Proverbio 3: 27-32

Enero 19, 2013 [Sabado]
Maika-19 iti 365 nga Aldaw ti Tawen
Genesis 39
Genesis 40
Genesis 41: 1-16
Mateo 12: 46-50
Mateo 13: 1-23
Salmo 17: 1-15
Proverbio 3: 33-35

Nasantoan a Mabasa Ita nga Aldaw, Enero 20, 2013, Domingo
Maika-20 iti 365 nga Aldaw ti Tawen
Genesis 41: 17-57
Genesis 42: 1-17
Mateo 13: 24-46

[Nabulod ti ladawan a naaramat]

Ti Pangngarig maipapan kadagiti Ruot iti Nagbabaetan dagiti Trigo
-Adda pay sabali a pangngarig nga insarita ni Jesus kadakuada: "Mayarig ti Pagarian ti langit iti maysa a tao a nagpurruak iti nasayaat a bukel iti talonna. Iti maysa a rabii, idi matmaturog dagiti tattao, napan ti kabusorna ket nagmula iti ruot iti nagbabaetan dagiti trigo, sa pimmanaw. Idi dimmakkel dagiti mula, ket nangrugidan nga agdawa, nagparang met dagiti ruot. Napan dagiti adipen iti akinkukua iti talon ket kinunada kenkuana, 'Apo, nasayaat met a bukel ti immulam iti talonmo; ngem apay nga adda metten dagiti ruot?'

'Aramid ti kabusor dayta,' kinunana.

'Kayatmo nga inkami paruten dagiti ruot?' sinaludsodda.

'Saan,' insungbatna, 'amangan no mairaman a maparut dagiti trigo no parutenyo dagiti ruot. Bay-anyo nga aggiddan a dumakkel dagiti trigo ken ruot. Ket inton panagani, ibagakto kadagiti agani nga unaenda a paruten dagiti ruot, sada reppeten nga ipuor. Kalpasanna, anienda dagiti trigo ket idulinda iti kamaligko.'"

Ti Pangngarig maipapan iti Bukel ti Mostasa
[Mar 4: 30-32; Luc 13: 18-19]
-Adda pay sabali a pangngarig nga insarita ni Jesus kadakuada: "Mayarig ti Pagarian ti langit iti maysa a bukel ti mostasa nga alaen ti maysa a tao ket imulana iti talonna. Isu ti kabassitan kadagiti amin a bukel, ngem inton dumakkel, isu ti katayagan ladagiti amin a mula. Agbalin a kayo ket agumok dagiti tumatayab kadagiti sangsangana."

Pangngarig maipapan iti Lebadura
[Luc 13: 20-21]
-Adda pay sabali a pangngarig nga insarita ni Jesus kadakuada: "Mayarig ti Pagarian ti langit iti lebadura nga igamay ti maysa a babai iti tallo a kasukat nga arina. Gapu iti lebadura, bumsog ti intero a masa."

Ti Panangaramat ni Jesus kadagiti Pangngarig
[Mar 4: 33-34]
-Inaramat ni Jesus dagiti pangngarig iti panangibagana amin kadagitoy a bambanag kadagiti tattao. Dina kasao ida idi no di agaramat iti pangngarig. Inaramidna daytoy tapno matungpal ti insao ti profeta:

"Aramatekto dagiti pangngarig no makisaoak kadakuada,
 Ibagakto kadakuada dagiti bambanag a di pay naammuan
 manipud pannakaparsua ti lubong."

Ipalawag ni Jesus ti Pangngarig maipapan kadagiti Ruot
-Pinanawan ni Jesus dagiti tattao ket simrek iti balay. Immasideg kenkuana dagiti adalanna ket kinunada, "Ilawlawagmo man kadakami ti pangngarig maipapan kadagiti ruot iti talon."

"Ti tao a nagmula iti nasayaat a bukel isu ti Anak ti Tao," insungbat ni Jesus. "Ti talon isu ti lubong. Ti nasayaat a bukel isuda dagiti annak ti Pagarian. Dagiti ruot isuda dagiti annak ti Managdakdakes. Ti kabusor a nagmula kadagiti ruot isu ti Diablo. Ti panagani isu ti kanibusanan ti lubong, ket dagiti agani isuda dagiti angheles. Kas iti pannakaurnong ken pannakapuor dagiti ruot, kastanto met ti mapasamak inton aggibus ti lubong. Ibaonto ti Anak ti Tao dagiti angheles a mangurnong ken mangikkat iti Pagarianna kadagiti amin a pakaigapuan ti panagbasol dagiti tattao ken kadagiti amin a managdakdakes. Isebbadanto ida iti gumilgil-ayab nga apuy. Sadiay, agsangit ken agngarngaretngetdanto. Iti  kasta, agraniagto dagiti tattao ti Dios a kas init iti Pagarian ni Amada. Dumngeg ngarud ti siasinoman nga addaan pannakaawat."

Ti Pangngarig maipapan iti Naikali a Gameng
-"Mayarig ti Pagarian ti langit iti gameng a naikali iti talon. Adda tao a nakasarak iti daytoy, ngem gaburanna met laeng ket iti ragsakna,  mapanna ilako amin a sanikuana sa agsubli tapno gatangenna daytoy a talon."

Pangngarig maipapan iti Perlas
-"Mayarig pay ti Pagarian ti langit iti agtagtagilako nga agsapsapul iti napipintas a perlas. No makasarak iti naidumduma ti pintasna, ilakona amin a sanikuana ket gatangenna ti perlas."

Salmo 18: 1-15
Proverbio 4: 1-6