Ti Sibaballigi nga Iseserrek ni Jesus idiay Jerusalem

Nasantoan a Mabasa:
Pebrero 25, 2013-Marso 3, 2013

Pebrero 25, 2013 [Lunes]
Maika-56 iti 365 nga Aldaw ti Tawen
Leviticus 16: 29-34
Leviticus 17
Leviticus 18
Marcos 7: 24-37
Marcos 8: 1-10
Salmo 41: 1-13
Proverbio 10: 15-16

Pebrero 26, 2013 [Martes]
Maika-57 iti 365 nga Aldaw ti Tawen
Leviticus 19
Leviticus 20: 1-21
Marcos 8: 11-38
Salmo 42: 1-11
Proverbio 10: 17

Pebrero 27, 2013 [Mierkules]
Maika-58 iti 365 nga Aldaw ti Tawen
Leviticus 20: 22-27
Leviticus 21
Leviticus 22: 1-16
Marcos 9: 1-29
Salmo 43: 1-5
Proverbio 10: 18

Pebrero 28, 2013 [Huebes]
Maika-59 iti 365 nga Aldaw ti Tawen
Leviticus 22: 17-33
Leviticus 23
Marcos 9: 30-50
Marcos 10: 1-12
Salmo 44: 1-8
Proverbio 10: 19

Marso 1, 2013 [Biernes]
Maika-60 iti 365 nga Aldaw ti Tawen
Leviticus 24
Leviticus 25: 1-46
Marcos 10: 13-31
Salmo 44: 9-26
Proverbio 10: 20-21

Marso 2, 2013 [Sabado]
Maika-61 iti 365 nga Aldaw ti Tawen
Leviticus 25: 47-55
Leviticus 26
Leviticus 27: 1-13
Marcos 10: 32-52
Salmo 45: 1-17
Proverbio 10: 22

Nasantoan a Mabasa Ita nga Aldaw, Marso 3, 2013, Domingo
Maika-62 iti 365 nga Aldaw ti Tawen
Leviticus 27: 14-34
Numero 1
Marcos 11: 1-26

[Nabulod laeng ti ladawan a naaramat]

Ti Sibaballigi nga Iseserrek ni Jesus idiay Jerusalem
[Mat 21: 1-11; Luc 19: 28-40; Jn 12: 12-19]
-Idi sumungsungadda idiay Jerusalem, ket addadan idiay Bantay Olivo, iti nagbaetan dagiti ili a Berfage ken Betania, pinauna ni Jesus dagiti dua nga adalanna.

"Inkayo iti masungad a bario," imbilinna. "Apaman a makadanokayo sadiay, masarakanyonto ti sigagalut nga urbon ti asno a di pay nasaksakayan. Warwaranyo ket yegyo ditoy. No adda agsaludsod kadakayo no apay a warwaranyo ti urbon, ibagayo kenkuana, 'Ti Apo masapulna a pagsakayan; paisublinanto met la a dagus.'"

Napanda ngarud a dagus ket nasarakanda ti maysa nga urbon ti asno nga adda iti kalsada ket sigagalut iti ridaw ti maysa a balay. Idi warwawaranda ti urbon, sinaludsod kadakuada ti sumagmamano a tattao nga agtatakder sadiay, "Apay a warwarwaranyo ti urbon?"

Insungbat dagiti adalan ti imbaga ni Jesus kadakuada; iti kasta, pinalubosan ida dagiti tattao. Impanda ti urbon iti yan ni Jesus. Inikkatda dagiti kagayda ket inyap-apda iti bukot ti urbon sa nagsakay ni Jesus. Adu a tao ti nangyaplag kadagiti kagayda iti dalan. Nangala met dagiti dadduma kadagiti narukbos a sangsanga ti kayo nga adda iti taltalon ket inyaplagda iti dalan.

"Madaydayaw ti Dios!" impukpukkaw dagiti tattao a magmagna iti sangngoanan ni Jesus, kasta met dagiti sumarsaruno. "Bendision koma ti Dios ti umay a pagarian ni amatayo a David! Madaydayaw ti Dios!"

Simrek ni Jesus idiay Jerusalem. Napan iti Templo ket kinitana dagiti amin nga adda iti aglawlaw. Ngem gapu ta mumalemen, napan idiay Betania agraman dagiti sangapulo ket dua nga adalan.

Ilunod ni Jesus ti Kayo nga Igos
[Mat 21: 18-19]
-Iti sumuno nga aldaw, agsubsublida a naggapu idiay Betania, nabisinan ni Jesus. Nakitana iti adayo ti narukbos a kayo nga igos. Inasitganna ti kayo bareng no adda masarakanna a bunga. Ngem idi naasitganna, pasig met a bulong ti nakitana agsipud ta saan pay idi a panagbubunga ti igos.

"Manipud ita," kinuna ni Jesus iti kayo, "dikanton agbungan!" Nangngeg dagiti adalan ti sinaona.

Mapan ni Jesus iti Templo
[Mat 21: 12-17; Luc 19: 45-48; Jn 2: 13-22]
-Idi dumtengda idiay Jerusalem, napan ni Jesus idiay Templo. Pinaruarna dagiti agtagtagilako ken aggatgatang iti uneg ti Templo. Binalintuagna dagiti lamisaan dagiti agsuksukat iti kuarta, kasta met dagiti tugaw dagiti aglaklako iti kalapati. Pinaritanna pay ti siasinoman nga adda awitna a lumasat iti paraangan ti Templo. Insurona kadagiti tattao, "Nailanad iti Nasantoan a Surat a kuna ti Dios, 'Managananto ti balayko iti balay a pagkararagan nga agpaay kadagiti amin a tao.' Ngem pinagbalinyo a rukib dagiti tulisan!"

Nadamag dagiti panguloen a papadi ken mamaestro ti Linteg daytoy a pasamak. Ngarud, impamuspusanda ti panangpapatayda ken Jesus. Nagbutengda kenkuana agsipud ta nagsidsiddaawan dagiti amin a tao ti panursurona.

Idi sumipngeten, pimmanaw ni Jesus iti siudad agraman dagiti adalanna.

Ti Maadal iti Nagango a Kayo nga Igos
[Mat 21: 20-22]
-Iti agsapa, idi magmagnada iti dalan, nakitada ti kayo nga igos a nagangon agramanb dagiti ramutna. Nalagip ni Pedro ti pannakailunod ti kayo, "Maestro," kinunana ken Jesus, "kitaem! Nagangon ti igos nga inlunodmo idi kalman!"

"Laglagipenyo daytoy!" insungbat ni Jesus kadakuada. "No adda pammatiyo iti Dios, mabalinyo a kuna iti daytoy a bantay, 'Umaliska ditoy ket tumappuakka idiay baybay.' No saankayo la ket nga agduadua, ngem patienyo a matungpalto ti kunayo, maaramidto kadakayo. Gapu iti daytoy, ibagak kadakayo: Tunggal agkararagkayo ket adda dawatenyo, patienyo a naawatyon, ket maitedto ti aniaman a dawatenyo. Tunggal tumakderkayo nga agkararag, pakawanenyo ti siasinoman a nakabasol kadakayo tapno pakawanento met ni Amayo sadi langit dagiti basbasolyo. [Ngem no dikay mamakawan, dinto met pakawanen ni Amayo sadi langit dagiti basbasolyo]."

Salmo 48: 1-11
Proverbio 10: 23