Ti Baknang ken ni Lazaro

Nasantoan a Mabasa:
Abril 8-14, 2013

Abril 8, 2013 [Lunes]
Maika-98 iti 365 nga Aldaw ti Tawen
Deuteronomio 32: 28-52
Lucas 12: 35-59
Salmo 78: 56-64
Proverbio 12: 24

Abril 9, 2013 [Martes]
Maika-99 iti 365 nga Aldaw ti Tawen
Deuteronomio 33
Lucas 13: 1-21
Salmo 78: 65-72
Proverbio 12: 25

Abril 10, 2013 [Mierkules]
Maika-100 iti 365 nga Aldaw ti Tawen
Deuteronomio 34
Joshua 1
Joshua 2
Lucas 13: 22-35
Lucas 14: 1-6
Salmo 79: 1-13
Proverbio 12: 26

Abril 11, 2013 [Huebes]
Maika-101 iti 365 nga Aldaw ti Tawen
Joshua 3
Joshua 4
Lucas 14: 7-35
Salmo 80: 1-19
Proverbio 12: 27-28

Abril 12, 2013 [Biernes]
Maika-102 iti 365 nga Aldaw ti Tawen
Joshua 5
Joshua 6
Joshua 7: 1-15
Lucas 15
Salmo 81: 1-16
Proverbio 13: 1

Abril 13, 2013 [Sabado]
Maika-103 iti 365 nga Aldaw ti Tawen
Joshua 7: 16-26
Joshua 8
Joshua 9: 1-2
Lucas 16: 1-18
Salmo 82: 1-8
Proverbio 13: 2-3

Nasantoan a Mabasa Ita nga Aldaw, Abril 14, 2013 [Domingo]
Maika-104 iti 365 nga Aldaw ti Tawen
Joshua 9: 3-27
Joshua 10
Lucas 16: 19-31
Lucas 17: 1-10

[Nabulod laeng ti ladawan a naaramat]

Ti Baknang ken ni Lazaro
-Adda idi maysa a baknang a kanayon a sikakawes kadagiti agkakangina a lupot. Inaldaw met nga agbibiag a sibubuslon.

Adda met maysa a napanglaw nga agnagan iti Lazaro. Nalapunos iti gaddil. Inaldaw a maipan iti ruangan ti balay ti baknang. Tartarigagayanna ngamin a pedpeden ti bisinna kadagiti maregreg iti lamisaan ti baknang. Pasaray mapan dildilan dagiti aso ti gaddilna.

Natay ti napanglaw ket impan dagiti angheles iti yan ni Abraham. Natay met ti baknang ket naitanem. Idi agsagaba iti napalalo idiay Hades, timmangad ket nakitana ni Abraham nga adda iti adayo agraman ni Lazaro iti abayna. Iti kasta, impukkawna, "Ama Abraham! Kaasiannak kadi ta ibaonmo ni Lazaro a mangbabasa iti ramayna ket palamiisanna toy dilak, ta kasta unay ti pannakatutuokko iti daytoy nga apuy!"

Ngem kinuna ni Abraham, "Anakko, laglagipem a kabayatan ti panagbiagmo, adda amin a kinabaknang kenka, ngem naglak-am ni Lazaro iti rigat. Itan, adda ditoy a maliwliwa ket addaka dita a matutuok. Saan la a dayta! Adda dakkel a yuyeng iti nagbabaetanyo tapno saan a makaballasiw dagiti mayat nga umay dita manipud ditoy wenno aggapu dita nga umay ditoy."

"Dawatek nga, ama," kinuna ti baknang, "nga imbaonmo ni Lazaro iti balay ni amak tapno bagbagaanna dagiti lima a kakabsatko a lallaki sadiay, amangan no umayda met ditoy yan ti tuok."

Ngem kinuna ni Abraham, "Adda ni Moises ken dagiti profeta a mamagbaga kadakuada. Bay-am dagiti kakabsatmo a dumngeg iti saoda."

"Saan nga umanay dayta, ama Abraham," insungbat ti baknang. "Ngem no agungar ti maysa kadagiti natay ket mapan kadakuada, agbabawidanto kadagiti basbasolda."

Ngem kinuna ni Abraham, "No dida denggen ni Moises ken dagiti profeta, didanto met la mamati uray pay no adda agungar kadagiti natay."

Dagiti Pakaigapuan ti Panagbasol
[Mat 18: 6-7, 21-22; Mar 9: 42]
-Kinuna ni Jesus kadagiti adalanna, "Di pagduaduaan ti kaadda dagiti pakaigapuan ti panagbasol dagiti tattao, ngem asi pay ti tao a pakaigapuan ti basol! Nasaysayaat koma no maigalut ti gilingan a bato iti tengngedna sa maitappuak iti taaw, ngem ti panangisungsongna nga agbasol ti maysa kadagitoy nga ubbing. Agannadkayo!

Babalawem ni kabsatmo no makabasol. Pakawanem no agbabawi. No mamimpito nga agbasol kenka iti maysa nga aldaw, ket tunggal makabasol kenka, rebbengmo a palawanen."

Bileg ti Pammati
-Kinuna dagiti apostoles iti Apo, "Pabilgem ti pammatimi."

"No adda pammatiyo a kas iti kadakkel ti bukel ti mostasa," insungbat ni Jesus, "mabalinyo a kuna iti daytoy a kayo ti sikomoro. 'Bag-utem ti bagim ken imulam iti taaw,' ket agtulnogto kadakayo."

Pagrebbengan ti Maysa nga Adipen
-Kas pangarigan, maysa kadakayo ti adda adipenna nga agar-arado wenno agay-aywan kadagiti karnero ket sumangpet nga aggapu iti talon, kunam kadi kenkuana, 'Darasem ta umayka manganen?' Saan! Kunam ketdi kenkuana, 'Isaganam ti pangrabiik sakanto agsukat nga agserbi kaniak bayat ti pannanganko. Kalpasanna, mabalinmonto ti mangan.'

Masapul aya nga agyamanka iti adipen gapu iti panangtungpalna iti naibilin? Saan! Kasta met kadakayo. No naaramidyon amin a naibilin kadakayo, kunayo, 'Adipenkami laeng, inaramidmi laeng ti pagrebbenganmi.'

Salmo 83: 1-18
Proverbio 13: 4