Ti Saludsod Maipapan iti Cristo

Nasantoan a Mabasa:
Abril 15-21, 2013

Abril 15, 2013 [Lunes]
Maika-105 iti 365 nga Aldaw ti Tawen
Joshua 11
Joshua 12
Lucas 17: 11-37
Salmo 84: 1-12
Proverbio 13: 5-6

Abril 16, 2013 [Martes]
Maika-106 iti 365 nga Aldaw ti Tawen
Joshua 13
Joshua 14
Lucas 18: 1-17
Salmo 85: 1-13
Proverbio 13: 7-8

Abril 17, 2013 [Mierkules]
Maika-107 iti 365 nga Aldaw ti Tawen
Joshua 15
Lucas 18: 18-43
Salmo 86: 1-17
Proverbio 13: 9-10

Abril 18, 2013 [Huebes]
Maika-108 iti 365 nga Aldaw ti Tawen
Joshua 16
Joshua 17
Joshua 18
Lucas 19: 1-27
Salmo 87: 1-7
Proverbio 13: 11

Abril 19, 2013 [Biernes]
Maika-109 iti 365 nga Aldaw ti Tawen
Joshua 19
Joshua 20
Lucas 19: 28-48
Salmo 88: 1-18
Proverbio 13: 12-14

Abril 20, 2013 [Sabado]
Maika-110 iti 365 nga Aldaw ti Tawen
Joshua 21
Joshua 22: 1-20
Lucas 20: 1-26
Salmo 89: 1-13
Proverbio 13: 15-16

Nasantoan a Mabasa Ita nga Aldaw, Abril 21, 2013 [Domingo]
Maika-111 iti 365 nga Aldaw ti Tawen
Joshua 22: 21-34
Joshua 23
Lucas 20: 27-47

Ti Saludsod maipapan iti Panagungar
[Mat 22: 23-33; Mar 12: 18-27]
-Napan ken Jesus ti sumagmamano a Saduceo. Isuda dagiti agkuna a saan nga agungar dagiti natay. "Maestro," kinunada, "insurat ni Moises daytoy a linteg kadatayo: "No matay ti maysa a lalaki ket mapanawanna ti asawana nga awan anakda, rebbeng ti kabsatna nga asawaen ti balo tapno aganakda iti pannakaanak daydi nagawan."

"Adda idi pio a lallaki nga agkakabsat. Nangasawa ti inauna, ngem natay nga awan putotna. Ti maikadua inasawana ti balo, kasta met ti maikatlo. Kasta ti inaramid dagiti pito nga agkakabsat ket natayda nga awanan iti anak. Kamaudiananna, natay ti babai.

Ita, inton agungar dagiti natay, siasino kadakuada ti akin-asawa kenkuana? Ta nakiasawada amin kenkuana!"

"Agaassawa dagiti tattao ditoy a biag," insungbat ni Jesus. "Ngem saan nga agaassawa dagiti maikari nga agungar ken agbiag iti masakbayan. Kasda la dagiti angheles ket dida matay. Annak ida ti Dios, ta nagungardan.

Paneknekan ni moises a mapagungarto dagiti natay. Iti paset ti Nasantoan a Surat a pakasaritaan ti sumsumged a kayo, kunana a ti Apo isu ti 'Dios ni Abraham, Dios ni Isaac ken Dios ni Jacob'. Kayat a sawen daytoy nga isu ti Dios dagiti sibibiag a saan a Dios dagiti natay, ta iti biang ti Dios, sibibiag amin a tao."

Kinuna dagiti sumagmamano a mamaestro iti Linteg, "Nasayaat, Maestro, ti insungbatmo!" Ta dida maitureden ti agsaludsod kenkuana.

[Nabulod laeng ti ladawan a naaramat]

Ti Saludsod Maipapan iti Cristo
[Mat 22: 41-46; Mar 12: 35-37]
-Kalpasanna, kinuna ni Jesus kadakuada, "Kasano ti panagkuna nga agtaud ni Cristo iti kaputotan ni David? Ta kuna met laeng ni David iti libro dagiti Salmo:

   'Kinuna ti Apo iti Apok:
    Agtugawka ditoy makannawanko;
    Agingga a mapagbalinko dagiti kabusormo a pagbatayam.'

"No 'Apo' kuna kenkuana ni David, kasano ngarud nga agtaud ti Cristo iti kaputotan ni David?"

Babalawen ni Jesus dagiti Mamaestro iti Linteg
[Mat 23: 1-36; Mar 12: 38-40]
-Bayat ti panagdengngeg dagiti tattao, kinuna ni Jesus kadagiti adalanna, "Annadanyo dagiti mamaestro iti Linteg. Magustoanda a magna a sikakawes iti nagayad ken makabkablaawan a siraraem iti publiko. Pilienda dagiti kangrunaan a tugaw kadagiti sinagoga ken katan-okan a lugar iti fiestaan. Gundawayanda dagiti balo a babbai ket takawanda ida balbalayda sada agkararag iti atiddog a panglinged iti aramidda. Naing-ingetto ti dusada."


Salmo 89: 14-37
Proverbio 13: 17-19