Ni Pablo iti Sanguanan da Agripa ken Bernice

Nasantoan a Mabasa:

Hulio 1-7, 2013

Hulio 1, 2013 [Lunes]

Maika-182 iti 365 nga Aldaw ti Tawen

2 Ari 18: 13-37

2 Ari 19

Aramid 21: 1-17

Salmo 149: 1-9

Proverbio 18: 8

Hulio 2, 2013 [Martes]

Maika-183 iti 365 nga Aldaw ti Tawen

2 Ari 20

2 Ari 21

2 Ari 22: 1-2

Aramid 21: 18-36

Salmo 150: 1-6

Proverbio 18: 9-10

Hulio 3, 2013 [Mierkules]

Maika-184 iti 365 nga Aldaw ti Tawen

2 Ari 22: 3-20

2 Ari 23: 1-30

Aramid 21: 37-40

Aramid 22: 1-16

Salmo 1: 1-6

Proverbio 18: 11-12

Hulio 4, 2013 [Huebes]

Maika-185 iti 365 nga Aldaw ti Tawen

2 Ari 23: 31-37

2 Ari 24

2 Ari 25

Aramid 22: 17-30

Aramid 23: 1-10

Salmo 2: 1-12

Proverbio 18: 13

Hulio 5, 2013 [Biernes]

Maika-186 iti 365 nga Aldaw ti Tawen

1 Kronika 1

1 Kronika 2: 1-17

Aramid 23: 11-35

Salmo 3: 1-8

Proverbio 18: 14-15

Hulio 6, 2013 [Sabado]

Maika-187 iti 365 nga Aldaw ti Tawen

1 Kronika 2: 18-55

1 Kronika 3

1 Kronika 4: 1-4

Aramid 24

Salmo 4: 1-8

Proverbio 18: 16-18

Nasantoan a Mabasa Ita nga Aldaw, Hulio 7, 2013 [Domingo]

Maika-188 iti 365 nga Aldaw ti Tawen

1 Kronika 4: 5-43

1 Kronika 5: 1-17

Aramid 25

Agapelar ni Pablo iti Emperador

-Tallo nga aldaw kalpasan  ti isasangpet ni Festo a kas gobernador iti probinsia, simmang-at idiay Jerusalem a naggapu idia Cesarea. Sadiay, indatag dagiti panguloen a papadi ken dagiti pangpangulo a Judio ti pangidarumanda ken Pablo. Nagpakpakaasi ken ni Festo a paipanna ni Pablo idiay Jerusalem, ta panggepda a saneben ket papatayenda iti dalan. Simmungbat ni Festo" "Sibabalud ni Pablo idiay Cesarea. Agsubliak sadiay iti mabiit. Ipakuyogyo kaniak a sumalog dagiti panguloyo idiay Cesarea ket idarumda dayta a tao no adda nakabasolanna."

Nakipagtaeng pay ni Festo kadakuada idiay Jerusalem iti walo wenno sangapulo nga aldaw sa simmalog idiay Cesarea. Iti sumuno nga aldaw, nagtugaw iti pangukoman ket imbilinna a maiparang ni Pablo. Idi sumangpet ni Pablo, inaribungbongan dagiti Judio a naggapu idiay Jerusalem ket adu nga agkakadagsen a pammabasol ti nangidarumanda kenkuana, ngem dida met mapaneknekan. Inkalintegan ni Pablo ti bagina: "Awan inaramidko a maikaniwas iti Linteg dagiti Judio wenno iti Templo wenno iti Emperador ti Roma."

Kayat ni Festo a pagustoan dagiti Judio, isu a sinaludsodna ken Pablo, "Kayatmo kadi ti mapan idiay Jerusalem a pangusisaak kenka kadagitoy a darum?"

"Agtaktakderakon iti sangnguanan ti pangukoman ti Emperador a rumbeng a pakausigak," insungbat ni Pablo. "Awan basolko kadagiti Judio kas pagaammom unay. No adda sinalungasingko a linteg, ket nakaaramidak iti banag a rumbeng a pakatayak, diak rigaten ti matay. Ngem no awan kinapudno dagiti nakaidarumak, awan ti kalintegan ti siasinoman a mangyawat kaniak kadakuada. Agapelarak iti Emperador."

Iti kasta, nakiuman ni Festo kadagiti mamalbalakad kenkuana, ket kinunana, "Nagapelarka iti Emperador; inka ngarud iti Emperador."

Ni Pablo iti Sanguanan da Agripa ken Bernice

[Nabulod laeng ti ladawan a naaramat]

-Kalpasan ti sumagmamano nga aldaw, simmangpet ni ari Agripa ken Bernice idiy Cesarea tapno sarungkaran ken kablaawanda ni Festo. Iti kaaddada sadiay iti sumagmamano nga aldaw, impalawag ni Festo iti ari ti kasasaad ni Pablo, "Adda maysa a balud ditoy nga imbati ni Felix," kinunana. "Idi addaak idiay Jerusalem, nagdarum dagiti panguloen a papadi ken dagiti panglakayen a Judio ket dinawatda nga ukomek. Ngem imbagak kadakuada a saan a kadawyan dagiti Romano ti mangyawat ti siasinoman a naidarum sakbay a makisango iti rupanrupa kadagiti nangidarum kenkuana, tapno maikkan iti gundawayna a mangikalintegan iti nakaidarumanna. Ngarud, idi immayda ditoy, diak nagtaktak; iti sumuno nga aldaw, nagtugawak iti pangukoman ket imbilinko a maayaban ti balud. Timmakder dagiti nangidarum kenkuana ngem awan naiparangda a dakes a nakabasolanna a kas impagarupko. Nakisupiatda ketdi kenkuana maipapan iti relihionda ken maipapan iti maysa a tao nga agnagan Jesus; natay ngem kuna ni Pablo a sibibiag. Agsipud ta diak ammo no kasano ti panangpalutpotko kadagitoy, dianamgko ken Pablo no kayatna ti mapan idiay Jerusalem a pakausiganna kadagitoy. Ngem nagapelar; dinawatna nga agbati pay a kas balud tapno ti Emperador ti mangukom kenkuana. Iti kasta, imbilinko a mabantayan agingga iti maibaonko iti Emperador."

Kinuna ni Agripa ken Festo, "Kayatko a denggen dayta a tao."

"Denggemto no bigat," insungbat ni Festo

Iti kabigatanna, simmangpet ni Agripa ken Bernice iti baet ti adu a seremonia ken pammadayaw ket simrekda iti pangukoman a kinuyog dagiti komandante ken dagiti mabigbigbig a tattao iti siudad. Nagbilin ni Festo ket naiserrek ni Pablo. Kinuna ni Festo: "Ari Agripa ken dakayo amin a naitallaong ditoy: Makitayo daytoy a lalaki nga idardarum kaniak dagiti Judio idiay Jerusalem ken uray pay dagiti adda ditoy. Ipukpukkawda a saanen a rumbeng nga agbiag. Ngem awan masarakak nga inaramidna a rumbeng a pakatayanna. Ket agsipud ta nagapelar iti Emperador, inkeddengko nga ibaon kenkuana. Ngem diak ammo no ania ti isuratko iti Emperador maipapan kenkuana. Iparangko ngarud iti saklangyo, nangruna iti sanguanam, apo ari Agripa, tapno addanto maisuratko kalpasan ti pannakausisana. Makitak a saan a rumbeng nga ibaonko ti maysa a balud no diak ilawlawag dagiti pakaidarumanna."

Salmo 5: 1-12

Proverbio 18-19