Ti Nalinteg a Panangukom

Nasantoan a Mabasa:

Hulio 8-14, 2013

Hulio 8, 2013 [Lunes]

Maika-189 iti 365 nga Aldaw ti Tawen

1 Kronika 5: 18-26

1 Kronika 6

Aramid 26

Salmo 6: 1-10

Proverbio 18: 20-21

Hulio 9, 2013 [Martes]

Maika-190 iti 365 nga Aldaw ti Tawen

1 Kronika 7

1 Kronika 8

Aramid 27: 1-20

Salmo 7: 1-17

Proverbio 18: 22

Hulio 10, 2013 [Mierkules]

Maika-191 iti 365 nga Aldaw ti Tawen

1 Kronika 9

1 Kronika 10

Aramid 27: 21-44

Salmo 8: 1-9

Proverbio 18: 23-24

Hulio 11, 2013 [Huebes]

Maika-192 iti 365 nga Aldaw ti Tawen

1 Kronika 11

1 Kronika 12: 1-18

Aramid 28

Salmo 9: 1-12

Proverbio 19: 1-3

Hulio 12, 2013 [Biernes]

Maika-193 iti 365 nga Aldaw ti Tawen

1 Kronika 12: 19-40

1 Kronikq 13

1 Kronika 14

Roma 1: 1-17

Salmo 9: 13-20

Proverbio 19: 4-5

Hulio 13, 2013 [Sabado]

Maika-194 iti 365 nga Aldaw ti Tawen

1 Kronika 15

1 Kronika 16: 1-36

Roma 1: 18-32

Salmo 10: 1-15

Proverbio 19: 6-7

Nasantoan a Mabasa Ita nga Aldaw, Hulio 14, 2013 [Domingo]

Maika-195 iti 365 nga Aldaw ti Tawen

1 Kronika 16: 37-43

1 Kronika 17

1 Kronika 18

Roma 2: 1-24

[Nabulod laeng ti ladawan a naaramat]

Ti Nalinteg a Panangukom

-Gayyem, uray ania ti katataom, no ukomem ti sabali, awan a pulos ti pambarmo. Ta no ukomem dagiti sabsabali, ngem aramidem met dagiti ar-aramidenda, ta bagim met laeng ti ukomem. Ammotayo a nalinteg ti panangukom ti Dios kadagiti tattao nga agaramid kadagitoy. Sika a mangukom kadagiti sabsabali ngem aramidem met dagiti ar-aramidenda, ipagarupmo kadi a malisiamto ti panangukom ti Dios? Wenno, nalabes sa ketdi ti panagtalekmo iti aglaplapunosan a kinaimbag, panagibtur ken kinaanus ti Dios? Dimo aya ammo a ti asi ti Dios ti mangiturong kenka nga agbabawi? Ngem gapu ta natangken ti panagul-ulom ken nasukirka, nakarkaronto ti pannakadusam inton Aldaw a maiparangarang ti pungtot ti Dios ken ti nalinteg a panangukomna. Ta gunggunaanto ti Dios ti tunggal tao kas maitutop iti aramidna. Adda tattao a siaanus ngas agaramid iti naimbag ket magun-odda ti dayag, dayaw ken ipapatay. Itedto ti Dios kadakuada ti biag nga agnanayon. Adda dagiti nasukir ken manglais iti pudno tapno surotenda ti dakes, idissuorto ti Dios kadakuada ti pungtot ken gurana. Agrigat ken agtuokto ti amin a tao nga agaramid iti dakes, umuna dagiti Judio sa dagiti Gentil. Ngem itedto ti Dios ti dayaw ken talna kadagiti amin nga agaramid iti naimbag, umuna kadagiti Judio sa kadagiti Gentil. Ta awan idumduma ti Dios iti panangukomna.

Awan ti Linteg ni Moises kadagiti saan a Judio; no agbasolda, saan nga ukomen ida ti Linteg. Adda ti Linteg kadagiti Judio; no agbasolda, ukomen ida ti Linteg. Ta saan a mapalinteg ti tao iti imatang ti Dios babaen iti panagdengngegna iti Linteg, no di ket iti panangtungpalna iti Linteg. Awan ti Linteg kadagiti saan a Judio; ngem no aramidenda ti ibilin ti Linteg idinto a dida ammo ti LInteg, agbalin a Linteg dayta kadakuada. Iparangarang dagiti aramidda a naisurat dagiti bilin ti LInteg iti pusoda. Patalgeden met ti konsensia a pudno daytoy, ta no maminsan, pabasolen ida ti panunotda, ket no dadduma, ikalinteganna ida. Kas mayannurot iti Naimbag a Damag nga ikaskasabak, kastoyto ti maaramid iti dayta nga Aldaw, inton ukome ti Dios babaen ken Jesu-Cristo ti amin a nalimed a panunot iti puso dagiti tattao.

Dagiti Judio ken ti Linteg

-Ket sika? Kunam a Judioka; agtalekka iti Linteg ket pagpasindayagmo ti Dios. Ammom ti kayat ti Dios nga aramidem, ket nasursurom iti Linteg a pilien ti nasayaat. Kapkapnekam a maidalanmo dagiti bulsek a masilawam dagiti adda iti sipnget, a maisurom dagiti nengneng, ken maadalam dagiti ubbing. Mapnekkan nga iti Linteg, naan-anayka iti kinasirib ken kinapudno, No maisurom dagiti dadduma, apay ngarud a dimo maisuro ti bagim? Ikasabam ti saan a panagtakaw, ngem agtakawka met! Ibagam a maiparit ti pannakikamalala ngem makikamalalaka met! Kaguram dagiti didiosen, ngem takawam met dagiti templo! Pagpalangguadmo ti kaadda kenka ti linteg ti Dios, ngem ibabainmo met ti Dios gapu iti panangsalungasingmo iti lintegna! Kuna ti Nasantona a Surat, "Gapu kadakayo a Judio, agsao dagiti Gentil iti dakes a maibusor iti nagan ti Dios."

Salmo 10: 16-18

Proverbio 19: 8-9